रोमियों 8:9 - सिरमौरी नौवाँ नियम

⁹ पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

Sirmouri

⁹ जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

रोमियों 8:9 ပူးပေါင်းရင်းမြစ်များ

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

यूहन्ना 14:17

सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 3:34

जैसी पौरमेशवरे छाड़ै राए, सै पौरमेशवर की बातौ बौलदा: जिथुकै पौरमेशवरे तैसी पवित्र आत्मा भरपूरी शै दैय राए।

यूहन्ना 3:6

आदमी आपणै नानड़िया कै जिन्दगी दैंव। तोबै बै सिरफ पौरमेशवर कै आत्मा तुऔं पौरमेशवर कै संतान कै भैषो दा बौदलै सौकौ।

प्रेरितो कै काम 16:7

सै मूसिया प्रदेश कै नेड़िक पोंचैयो कै, बितूनिया प्रदेश जाणौ चांव थिए; पौरौ यीशु कै आत्माए तिनु जाणौ ना दी।

रोमियों 7:5

जिथुकै जोबै आमै आपणै पापी स्‍वभाव कै बश दै थिए, तौ पापी अभिलाषाएँ जू नियम कै दवारा थी, मौत का फोल़ पौयदा कौरणौ कारिए अमारै शोरीर दी काम कौरौ थी।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

1 कुरिन्थियों 3:16

हकीकत दो तुऐं जाणौए कै तुऐं खुद ही पौरमेशवर का मन्दिर औसौ, औरौ पौरमेशवर का आत्मा तुऔं दा वास कौरौ।

1 कुरिन्थियों 6:17

जू प्रभु दा बौणेयौंदा औसौ तैसकै आत्मा औरौ यीशु कै आत्मा ऐक साथै होए जांव।

1 कुरिन्थियों 6:19

तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

इफिसियों 2:22

ओए रै बैगानै बिशवाशी जिथुकै तुऐं मसीह कै साथै एकजुट औसौ, इथकारिए तुऔं बै पौरमेशवर कै ओकी लोगौ कै साथै जोड़े लौवै। ताकि तुऐं ऐशणा घोर बौणै जांव जिथै पौरमेशवर का आत्मा रौंव।

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

फिलिप्पियों 1:19

जिथुकै हांव जाणुए कै तोंवारै बिन्ती कै दवारा औरौ पवित्र आत्मा जू यीशु मसीहे छाड़ै राए, तैसकै दवारा मोदद का प्रतिफल मैरै उध्दार कारिए काम कौरदा।

2 तीमुथियुस 1:14

यीशु मसीह कै बारै मुंजी सुसमाचार कै रक्षा कौरौ जू पौरमेशवरे तुऔं दैय राए थिया, पवित्र आत्मा कै मौदद लैई जू आमुदा रौंव।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

1 यूहन्ना 4:13

इथी लैई आमै जाणुए कै आमै पौरमेशवर कै साथै बौणैयौंदे औसौ, औरौ सै आमुदा बौणेयौंदा औसौ, जिथुकै तैणै आमु आपणै पवित्र आत्मा का किछै अंश दैय राए।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।