रोमियों 8:6 - सिरमौरी नौवाँ नियम

⁶ आपणै पापी स्‍वभाव कै आपणै मन पांदी काबू दैणा मौत कै ढौबौ लौय जांव। पौरौ आत्मा कै आपणै मन पांदी काबू दैणौ शै जीवन औरौ शान्तै भैटौ।

Sirmouri

⁶ किन्देंखे के जूण्जे आदमी आप्णें पाप वाल़े सुभाव दे जीयों, तिन्दें का नंतीजा मंऊँत्त असो, अरह् जुण्जे आदमी पबित्र-आत्त्मा की बातो दा मंन लाँव, तिन्दें का नंतीजा जीवन अरह् शाँण्त्ति असो;

रोमियों 8:6 ပူးပေါင်းရင်းမြစ်များ

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

रोमियों 14:17

जिथुकै पौरमेशवर कै राज्य दो खाणौ पिणु खास ना आथी। खास बात ऐजी औसौ कै पौरमेशवर कै साथै सोही जीवन जिणा, पवित्र आत्मा दै शान्तै औरौ खुशी औसौ।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

रोमियों 6:21

आपणै पुराणै जीवन शै तुऔं का फायदा भैटौ? तुऐं इथकी बौजैह शै सिरफ शर्मिंदा हौंव, जिथुकै तिनु कामौ का नतीजा मौत औसौ।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

रोमियों 7:11

जिथुकै पापै इयौं आज्ञा का इस्तैमाल कौरेयौ मुखै धौखा दिया, औरौ तिथकै दवारा हांव पौरमेशवर शै दूर हौए गौआ।

रोमियों 7:5

जिथुकै जोबै आमै आपणै पापी स्‍वभाव कै बश दै थिए, तौ पापी अभिलाषाएँ जू नियम कै दवारा थी, मौत का फोल़ पौयदा कौरणौ कारिए अमारै शोरीर दी काम कौरौ थी।

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

रोमियों 8:27

पौरमेशवर जाणौए, कै पवित्र आत्माए का बौल़ै लो? जिथुकै पवित्र आत्मा, पवित्र लोगौ कै खातिर पौरमेशवर कै इछा कै हिसाब शै बिन्ती कौरौ।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

गलातियौं 6:8

जिथुकै जू आदमी सैजौ कौरौए जू तैसका पापी स्‍वभाव चांव, सै दैखदा कै ऐजौ तैसी कारिए मौत लोयो आन्दौ। पौरौ जू आदमी पौरमेशवर कै आत्मा कै इछा खै पूरी कौरौ सै दैखदा कै आत्मा तैसी सौदा कै जिन्दगी दैंदा।