रोमियों 8:29 - सिरमौरी नौवाँ नियम

²⁹ जिथुकै जिनु तैणै आगै दै उंडै चोणे राए औरौ तिनुकै आगै ही दै उंडै ठोहराए राए ताकि सै आपणै बैटै कै जैशणा हौए जाला औरौ तैसका बैटा सौबी भाईयों मुंजीदा जैठा हौंदा।

Sirmouri

²⁹ किन्देंखे के पंणमिश्वर ऐजा बीचार करा, के जिनू तिन्ऐं आगे ही आप्णें जाँणा, सेजे तिनके बैटे के सरूप दें बंणाँऐं ज़ाँदे; जिन्दें लई तिनका बैटा सोभी भाईयों मुँझी जैठा बंणों।

रोमियों 8:29 ပူးပေါင်းရင်းမြစ်များ

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 28:10

तोबै यीशुए तिनी बुलू, “डौरेया नै; मैरै चैलै खै जायौ खै बौल़ौ कै गलील जिले खै जाव, तिथै मुखै दैखदै।”

मत्ती 7:23

तोबै हांव तिनुखै निशोंक हौयौ बौल़ै दैंदा, ‘मोऐं तुऔं खै ना जाणी, ओए रै कुकर्म कौरणौवाल़ै, मैरै धोरे दै आगु जाव।’”

यूहन्ना 17:16

जिथुकै जैशै हांव दुनिया आरी सौमबंध ना राखु, तैशैकैई सैजै बै दुनिया आरी सौमबंध ना राखौ।

यूहन्ना 17:19

औरौ तिनकै फायदै कारिए हांव आपी खै सौचाई दा जौई कौरु, ताकि सैजै बै सौचाई कै दवारा जौई कौरे जांव।”

यूहन्ना 17:26

मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

रोमियों 11:2

पौरमेशवरे आपणै लोगौ खै ना छुड़ी; जिनु तैणै आगै दै ही चोणे राए: तुऐं जाणौए कै पवित्र शास्त्र पौरमेशवर कै बातौ बौताणौवाल़ै एलिय्याह कै कहाणी दु का बौल़ौ; कै सै इस्राएल देश कै लोगौ कै खिलाफ पौरमेशवर शै शिकायत कौरौ?

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

1 कुरिन्थियों 15:49

औरौ जैशैखै पौरमेशवरे आमुखै तैशणा शोरीर दैय राए जैशै धोरती कै आगलै आदमी का थिया, तैशैखैई आमु बिशवाशियौं कैंई मसीह कै जैशणा शोरीर हौंदा, जू ऐबै स्वर्ग दा औसौ।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

1 कुरिन्थियों 8:3

पौरौ जै कुणिए पौरमेशवर शै प्यार राखौ, तौ पौरमेशवर तैसी आदमी खै जाणौए।

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 4:24

औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

फिलिप्पियों 3:21

सै आपणै शौकतै कै तैसी प्रभाव कै हिसाब शै जिथकै दवारा सै सौबै चीज़ौ कै आपणै काबू दी कौरे सौकौ, औरौ अमारै कमजोर शोरीर का रुप बौदलैयौ आपणै महिमामय शोरीर कै जैशणा बाणै दैन्‍दा।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।