रोमियों 8:26 - सिरमौरी नौवाँ नियम

²⁶ ऐशैखैई पवित्र आत्मा बै अमारै मौदद कौरौ जोबै पौरमेशवर दा अमारा भोरोशा कमजोर औसौ, जिथुकै आमै ना जाणु कै, प्रार्थना कैशैखै कौरणी चैंई; पौरौ पवित्र आत्मा आपी ही ऐशणी शुशकार भोरेयौ अमारै खातिर बिन्ती कौरौ जू ब्‍याँ कौरणौ शै बायरै औसौ,

Sirmouri

²⁶ तेष्णें ही दाँई, पबित्र-आत्त्मा भे अमाँरी कंमजूरी दे साहेता करह्: किन्देंखे के आँमें ने जाँण्दे, के प्रार्थना केशी दाँई कर्णी पड़ो, परह् पबित्र-आत्त्मा आपू ही ऐशी घिणों लाऐ-लाऐयों, जिन्देकी किऐ बुल्णी ने हंदी, से अमाँरी ताईऐं अरज करह्;

रोमियों 8:26 ပူးပေါင်းရင်းမြစ်များ

मत्ती 10:20

पौरौ बापू पौरमेशवर कै आत्मा तुऔं खै बौताए दैला कै तोंवारै का बौलणौ।

मत्ती 20:22

यीशुए तियौंखै जोवाब दिया, “तुऐं ना जाणौ कै का मांगै लो? का तुऐं दुख झैल़णौ कै तैयार औसौ जू दुख हांव झैल़णौ पांदी औसौ, का तुऐं पी सौकौ?” तिनुऐ तैसीकै बौल़ौ, “हौर आमै झैल सौकु।”

लूका 22:44

सै जादा बैचैन हौयौ हौजौ बै जादा प्रार्थना कौरदा लागा; औरौ तैसका पसीना मानौ लोऊ की बौड़ै-बौड़ै टिपू साए धोरती पांदी छुटदा लागै रौवा थिया।

यूहन्ना 14:16

औरौ हांव पिता पौरमेशवर शै बिन्ती कौरुबा, औरौ सै तुऔं ऐक ओका हौंसला दैणौवाल़ा दैन्‍दा, कै सै सौदा तोंवारै साथै रौंव।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

रोमियों 7:24

हांव कैशणा निर्भागै आदमी औसौ! जिथुकै मैरै शोरीर की इछाएं मुखै पौरमेशवर शै दूर कौरौ। मुखै इनु शोरीर कै इछाओं शै कुण छुड़ाला?

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

2 कुरिन्थियों 5:2

इथमुंजी तौ आमै लैलयोऊं औरौ बौड़ी लालसा राखु; कै आमु ऐक ऐशणा शोरीर दैंव जू अमारै स्वर्गीय घौरौ कै जैशणा हौंदा।

2 कुरिन्थियों 5:4

औरौ आमै ऐसी शोरीर दै रौयौ जू तोम्बू कै जैशणै पौरैशानी कै बौझ कै धैनै दौबेयौ लेलयांदै रौंव; जिथुकै आमै इनु सांसारिक शोरीरो खै छोड़णा ना चोऊं, पौरौ आमै चोऊं कै पौरमेशवर आमु स्वर्गीय शोरीर दैंव, ताकि ऐजै शोरीर जू मौरे जांदै सै सौदा कै जिन्दगी लैई बौदलै जांदै।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

इब्रानियों 5:2

जिथुकै ऐक आदमी हौणौ कै नातै सै आपी बै कमजोरियों खै अधीन औसौ। इथ बौजैह शै सै नासमझ औरौ भोटकैयोंदै लोगौआरी प्यार शै बर्ताव कौरे सौकौ।

याकूब 4:3

तुऐं मांगोए पौरौ तुऔं ना भैटौ, जिथुकै तुऐं बुरी इछा लैई मांगो, ताकि आपणै मोजै कारिए उड़ाए सौकौ।