रोमियों 8:23 - सिरमौरी नौवाँ नियम

²³ औरौ सिरफ ऐजी सारी दुनिया ही ना आथी जू पीड़ो सैहन कौरौ, पौरौ आमै बै पवित्र आत्मा कै दवारा हौणौवाल़ी महिमा का स्वाद चाखदै, जोबै कै आमै भीतरै ही भीतरै शुशकार भौरु; पौरौ आमुए ऐबै तैसी सौमय का इंतजार कौरे लौआ जोबै पौरमेशवर आमु आपणै नानड़िया बाणणौ कारिए ऊबा निला औरौ अमारै शोरीर कै सौबै दुष्टता शै छुटकारा कौरला। यानी आमु नौवें शोरीर दैयौ अमारै शोरीरो कै आज़ाद कौरदा।

Sirmouri

²³ अरह् सिर्फ सेही ने, परह् आँमें भे जिन कैई पबित्र-आत्त्मा का आगला फल़ असो, आँमें भे सासो ऊदे ही सीटो; अरह् गोद् लणों की, मतल्व आप्णी देह्-शरीर के छुट्कारे की बाट जुओं।

रोमियों 8:23 ပူးပေါင်းရင်းမြစ်များ

लूका 20:36

तोबै सै कौलोंई ना मोरदै, जिथुकै सै स्‍वर्गदूतौ कै जैशणै हौंदै औरौ मौरेयौंदे कै जियुंदी हौणौ पांदी नानड़िया हौणै शै सै पौरमेशवर कै बै नानड़िया हौंदै।

लूका 21:28

जोबै ऐजी बातौ हौंदी लागौ, तौ सीधै हौयौ आपणौ मुंड ऊबै टिपया, जिथुकै तोंवारा छुटकारा नेड़िक हौंदा।”

रोमियों 5:11

औरौ सिरफ ऐजौ नी, पौरौ ऐबै तौ अमारै प्रभु यीशु मसीह दवारा पौरमेशवर आरी अमारा मैल-मिलाप हौए रौआ; इथकारिए आमु पौरमेशवर दै खुशी औसौ।

रोमियों 5:3

सिरफ ऐजौ ही नी, पौरौ आमै कौल़ेशौ औरौ पौरैशानी दै हौंव, तोबै बै खुशी हौए सौकौ, जिथुकै आमै जाणुए कै जोबै आमै दुख दै हौयौ जोऊं तोबै आमै हौजौ बै जादा सब्र राखणा शिखु,

रोमियों 5:5

औरौ आशा लैई शर्म ना हौंव, जिथुकै पवित्र आत्मा जू पौरमेशवरे आमु दैय राए तैसकै दवारा पौरमेशवर का प्यार अमारै मनो कै आपणै प्यार लैई भोरै राए।

रोमियों 7:24

हांव कैशणा निर्भागै आदमी औसौ! जिथुकै मैरै शोरीर की इछाएं मुखै पौरमेशवर शै दूर कौरौ। मुखै इनु शोरीर कै इछाओं शै कुण छुड़ाला?

रोमियों 8:19

जिथुकै सारी दुनियाए बौड़ी आशा भोरी नोज़रो लैई पौरमेशवर कै संतानो कै प्रगट हौणौ कै ठोल़नाए कौरे लोए।

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

2 कुरिन्थियों 7:5

जिथुकै त्रोआस शहर छोड़ेयौ मकिदुनिया प्रदेश दा आणौ पांदी आमु बिल्कुल बै शारीरिक रुप शै आराम ना भैटी, पौरौ इथकै बजाय आमु हर तरह शै पौरैशानी झैलू थिए। हर जौगैह दै झोगड़े थिए, औरौ अमारै मन दा डौर थिया।

गलातियौं 5:5

हांव ऐशै बौल़ै सौकु जिथुकै आमु पवित्र आत्मा पोरे आशा दियांव कै पौरमेशवर आमु धरमी कै रुप दै अपनाए राए जिथुकै आमै मसीह पांदी बिशवाश कौरु।

इफिसियों 1:14

पवित्र आत्मा बै ऐक बयाने कै जैशणी औसौ जू इयौं बात कै साबित कौरौ पौरमेशवर आमु विरासत दैंदा जू दैणौ का वादा तैणै कौरे राए औरौ जिनुकै तैणै आपणै लोग हौणौ कारिए मोल लोए राए, ताकि तैसकै महिमा कै बौड़ाए हौंव।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।