रोमियों 8:2 - सिरमौरी नौवाँ नियम

² जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

Sirmouri

² किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

रोमियों 8:2 ပူးပေါင်းရင်းမြစ်များ

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

यूहन्ना 8:32

तुऐं सौचाई जाणलै, औरौ सौचाई तुऔं खै आज़ाद कौरलै।”

यूहन्ना 8:36

जै हांव पौरमेशवर का बैटा तुऔं आज़ाद कौरु, तौ तुऐं सौथी कै आज़ाद हौए जालै।

रोमियों 16:3

प्रिस्का जू कै अक्विला कै घोरवाल़ी औसौ जू मसीह यीशु दै मैरै मौददगार औसौ। मैरा नमशकार।

रोमियों 3:27

तौ ऐबै आमै कियों बातौ पांदी घमण्‍ड कौरु? तिथका तौ कुणजाई मतलब ना आथी। कुणजै नियमौ की बौजैह शै? का अमारै मूसा कै कानून का पालन कौरणौ शै? ना, पौरौ यीशु मसीह पांदी बिशवाश कौरणौ की बौजैह शै।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 6:14

तोबै तुऔं पांदी पाप कै शौकतै का कुणजाई औधिकार ना आथी, जिथुकै तुऐं मूसा कै कानून कै अधीन नी पौरौ पौरमेशवर कै अनुग्रह कै अधीन जियौं।

रोमियों 6:18

औरौ पौरमेशवरे तुऔं पाप कै शौकतै शै छुड़ाए राए बल्कि तुऐं पौरमेशवर कै दास बौणै गौवै ताकि सैजौ कौरौ जू सोही औसौ।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 7:21

तौ हांव ऐजै नियम पोऊँ कै जोबै भोलाए कौरणौ कै इछा कौरु, तौ हांव सैजौ कौरु जू बुरु औसौ।

रोमियों 7:23

पौरौ मैरै आपणै शोरीर कै अंगो दै औकै भान्त कै नियम दैखियौं, मैरा मन जिनु नियम कै सोही मानौ, तिनु नियम कै खिलाफ मैरा शोरीर लोड़ो औरौ ऐजै नियम मुखै पाप का कैदी बाणौ, औरौ पाप जू मैरै शोरीर दा काम कौरौ।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

1 कुरिन्थियों 15:45

पवित्र शास्त्र दो ऐजौ बै लैख राए कै, “इयौं धरती पांदी आगला आदमै,, जियुंदी प्राणी बौणा” औरौ आखिर का आदमी, जू कै मसीह औसौ, ऐजा सैजाई औसौ जू सौदा कै जिन्दगी दैंव।

2 कुरिन्थियों 3:17

प्रभु तौ आत्मा औसौ: औरौ जिथै कौथी प्रभु का आत्मा औसौ तिथै पुराणै कौरार शै आज़ादी औसौ।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

गलातियौं 2:19

जोबै मोऐं मूसा कै कानून का पालन कौरणौ कै कौचिश कौरे, तौ मूसा कै कानूनै मुखै दोषी ठैहरोऊवा। इथकारिए मानौ कै हांव मूसा कै कानून कारिए मौरे गौआ ताकि हांव पौरमेशवर कारिए जी सौकु।

गलातियौं 5:1

मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

याकूब 1:25

पौरौ जू आदमी पौरमेशवर कै सिध्द कानून कै ध्यान शै पालन कौरौ, जू लोगौ कै पाप शै आज़ाद कौरौ; सै आपणै काम दा इथकारिए आशीष पांदा कै सै कानून कै शोणेयो बिसरो ना पौरौ जू सै शिखौ तैशैखैई तिथका अभ्यास कौरौ।

प्रकाशितवाक्य 11:11

पौरौ साढ़े तीन दूसौ कै बाद पौरमेशवरे तिनुदै आपणै साँस पाए औरौ सै जियुंदी हौए गौवै; औरौ सै खौड़ै हौए गौवै, औरौ सैजै सौबै जिनुवै दैखौ कै सै ऐबै औटेयौ जियुंदी थिए, बैजाए घबराए गौवै।

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।