रोमियों 8:19 - सिरमौरी नौवाँ नियम

¹⁹ जिथुकै सारी दुनियाए बौड़ी आशा भोरी नोज़रो लैई पौरमेशवर कै संतानो कै प्रगट हौणौ कै ठोल़नाए कौरे लोए।

Sirmouri

¹⁹ किन्देंखे के बादी संईसारिऐं बेजाऐ भूर्षे की नंजर शी पंणमिश्वर की अलाद पर्गट हंणों की बाट जुई लई।

रोमियों 8:19 ပူးပေါင်းရင်းမြစ်များ

मत्ती 5:9

“धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

प्रेरितो कै काम 3:21

यीशु का स्वर्ग दा तैसी सौमय तौड़ी रौणा जौरुरी औसौ जोबै पौरमेशवर तिनु सौबी चीज़ौ कै नौवाँ बाणै दैन्दा जू तैणै बाणै रैई। बौहुत सौमय आगै पौरमेशवरे लोगौ कै बौताणौ कारिए पवित्र पौरमेशवर कै बातौ बौताणौवाल़ै कै दवारा ऐशै कौरणौ का वादा कौरा।

रोमियों 8:14

इथकारिए जैतरै लोग पौरमेशवर कै आत्मा कै हिसाब शै चालौ, सैजैई पौरमेशवर कै संतान औसौ।

रोमियों 8:16

पौरमेशवर का पवित्र आत्मा आपी अमारी आत्मा कै साथै गवाही दैंव, कै आमै पौरमेशवर कै नानड़िया औसौ।

रोमियों 8:18

हांव निशोंक हौयौ जाणु कै जू दुख औरौ कौल़ेश आमुए सैहन कौरे लौवै, सैजी महिमा जू पौरमेशवर आमु दैंदा लागै रौआ, तियौं महिमा कै आगै ऐजै दुख किछै बै ना आथी।

रोमियों 8:23

औरौ सिरफ ऐजी सारी दुनिया ही ना आथी जू पीड़ो सैहन कौरौ, पौरौ आमै बै पवित्र आत्मा कै दवारा हौणौवाल़ी महिमा का स्वाद चाखदै, जोबै कै आमै भीतरै ही भीतरै शुशकार भौरु; पौरौ आमुए ऐबै तैसी सौमय का इंतजार कौरे लौआ जोबै पौरमेशवर आमु आपणै नानड़िया बाणणौ कारिए ऊबा निला औरौ अमारै शोरीर कै सौबै दुष्टता शै छुटकारा कौरला। यानी आमु नौवें शोरीर दैयौ अमारै शोरीरो कै आज़ाद कौरदा।

रोमियों 9:26

औरौ जैसी ठाँव दा पौरमेशवरे बौल़ौ, तुऐं मैरै लोग ना आथी, तैसी ही ठाँव दा जियुंदै पौरमेशवर तिनु आपणै संतान बौलदा।”

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

1 कुरिन्थियों 1:8

पौरमेशवर तुऔं आखरी तौड़ी बिशवाश दै मोजबूत राखदा, ताकि जौल़ौ अमारा प्रभु यीशु मसीह औटेयौ पाछु आन्दा, तोलो तुऐं बैकसूर पाए जांव।

2 कुरिन्थियों 6:18

औरौ तोंवारा पिता हौंदा, औरौ तुऐं मैरै बैटै औरौ बेटियाँ हौंदी; ऐजा सौबिदा बौड़ा शौकतीशाली प्रभु पौरमेशवर का वचन औसौ।”

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

कुलुस्सियों 3:4

मसीह जू तुऔं नोऐं जिन्दगी दैंव, जोबै सै इयौं धोरती पांदी औटेयौ पाछु आन्दा, तोबै तुऐं बै तैसकै साथै आन्दै औरौ तैसकै महिमा दै शामिल हौए जांदै।

इब्रानियों 12:27

औरौ ऐजै आवाज़ एकबेई औटेयौ इयौं बातौ खै दिखांव, कै सौबै बाणैयौंदी चीज़ौ हिंजाल़ी जांदी, औरौ हौटाए जांदी; ताकि जू चीज़ौ हिलाए ना जांव, सैजी हमैशा बौणेयौंदी रौंदी।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

प्रकाशितवाक्य 21:7

जू जीत हासिल कौरौ, सै मुंकैई दी इनु सौबी आशीषौ खै पांदा; औरौ हांव तैसका पौरमेशवर हौंदा, औरौ सै मैरा बैटा हौंदा।