रोमियों 8:16 - सिरमौरी नौवाँ नियम

¹⁶ पौरमेशवर का पवित्र आत्मा आपी अमारी आत्मा कै साथै गवाही दैंव, कै आमै पौरमेशवर कै नानड़िया औसौ।

Sirmouri

¹⁶ पबित्र-आत्त्मा आपु ही अमाँरी आत्त्मा आरी गुवाऐ-शाज़्त दियों, के सत्तिखे आँमें पंणमिश्वर के अलाद असो।

रोमियों 8:16 ပူးပေါင်းရင်းမြစ်များ

मत्ती 5:9

“धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

लूका 20:36

तोबै सै कौलोंई ना मोरदै, जिथुकै सै स्‍वर्गदूतौ कै जैशणै हौंदै औरौ मौरेयौंदे कै जियुंदी हौणौ पांदी नानड़िया हौणै शै सै पौरमेशवर कै बै नानड़िया हौंदै।

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

प्रेरितो कै काम 5:32

औरौ आमै इनु बातौ कै गवाह औसौ, औरौ तैशैकैई पवित्र आत्मा बै, जैसी पौरमेशवरे तिनु दैय राए जू तैसकी आज्ञा मानौ।”

रोमियों 8:14

इथकारिए जैतरै लोग पौरमेशवर कै आत्मा कै हिसाब शै चालौ, सैजैई पौरमेशवर कै संतान औसौ।

रोमियों 8:19

जिथुकै सारी दुनियाए बौड़ी आशा भोरी नोज़रो लैई पौरमेशवर कै संतानो कै प्रगट हौणौ कै ठोल़नाए कौरे लोए।

रोमियों 8:23

औरौ सिरफ ऐजी सारी दुनिया ही ना आथी जू पीड़ो सैहन कौरौ, पौरौ आमै बै पवित्र आत्मा कै दवारा हौणौवाल़ी महिमा का स्वाद चाखदै, जोबै कै आमै भीतरै ही भीतरै शुशकार भौरु; पौरौ आमुए ऐबै तैसी सौमय का इंतजार कौरे लौआ जोबै पौरमेशवर आमु आपणै नानड़िया बाणणौ कारिए ऊबा निला औरौ अमारै शोरीर कै सौबै दुष्टता शै छुटकारा कौरला। यानी आमु नौवें शोरीर दैयौ अमारै शोरीरो कै आज़ाद कौरदा।

रोमियों 8:26

ऐशैखैई पवित्र आत्मा बै अमारै मौदद कौरौ जोबै पौरमेशवर दा अमारा भोरोशा कमजोर औसौ, जिथुकै आमै ना जाणु कै, प्रार्थना कैशैखै कौरणी चैंई; पौरौ पवित्र आत्मा आपी ही ऐशणी शुशकार भोरेयौ अमारै खातिर बिन्ती कौरौ जू ब्‍याँ कौरणौ शै बायरै औसौ,

रोमियों 9:26

औरौ जैसी ठाँव दा पौरमेशवरे बौल़ौ, तुऐं मैरै लोग ना आथी, तैसी ही ठाँव दा जियुंदै पौरमेशवर तिनु आपणै संतान बौलदा।”

रोमियों 9:8

यानी जू वंश कुदरत कै हिसाब शै जन्म लोंव सैजै पौरमेशवर कै संतान ना आथी, सिरफ वादै कै संतान ही अब्राहम कै संतान मानै जांदै।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 5:5

पौरमेशवरे आमु नौवें शोरीर कारिए तैयार कौरे राए, तैणै आमु बयाने दै पवित्र आत्मा बै दैय राए। ऐजा बयाना सैजा वादा औसौ, जैसीखै पौरमेशवर बाद मै आमु कारिए पूरा बै कौरदा।

2 कुरिन्थियों 6:18

औरौ तोंवारा पिता हौंदा, औरौ तुऐं मैरै बैटै औरौ बेटियाँ हौंदी; ऐजा सौबिदा बौड़ा शौकतीशाली प्रभु पौरमेशवर का वचन औसौ।”

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 3:10

इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

1 यूहन्ना 4:13

इथी लैई आमै जाणुए कै आमै पौरमेशवर कै साथै बौणैयौंदे औसौ, औरौ सै आमुदा बौणेयौंदा औसौ, जिथुकै तैणै आमु आपणै पवित्र आत्मा का किछै अंश दैय राए।

1 यूहन्ना 5:10

जू पौरमेशवर कै बैटै पांदी बिशवाश कौरौए सै आपणै भीतरै गवाही राखौए; पौरौ जैणै पौरमेशवर पांदी बिशवाश ना कौरी तैणै पौरमेशवर कै झूठा बाणै राए; जिथुकै तैणै तियौं गवाही पांदी बिशवाश ना कौरी जू पौरमेशवरे आपणै बैटै कै बारै मुंजी दैय राए।

प्रकाशितवाक्य 21:7

जू जीत हासिल कौरौ, सै मुंकैई दी इनु सौबी आशीषौ खै पांदा; औरौ हांव तैसका पौरमेशवर हौंदा, औरौ सै मैरा बैटा हौंदा।