रोमियों 8:15 - सिरमौरी नौवाँ नियम

¹⁵ जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

Sirmouri

¹⁵ किन्देंखे के तुँओं खे गुलामी की आत्त्मा ने भेंटी रंंई, के हजो भे डरियों रंह्, परह् आँमों खे गोद् लुऐं गुऐ बैटे की आत्त्मा भेटी रंऐ, जिन्दे के सहाँरे आँमें हे अब्बा, हे बाबा, बुलियों पुकारो।

रोमियों 8:15 ပူးပေါင်းရင်းမြစ်များ

मत्ती 25:25

इथकारिए हांव डौरे गौआ कै जै मोऐं तैरा पोयसा खोए दिया, तौ तू मुखै सौजा दैला, औरौ जायौ खै तैरा झोल़ा जोमीनो मुंजी दबाए दिया; दैख, ‘जू तैरौ औसौ, सै ऐजौ औसौ।’

मरकुस 14:36

औरौ बौल़ौ, “ओए रै पिता, ओए रै पिताजी, तू तौ सौबै ठुँ कौरे सौकै; मुखै ऐसी दुखो कैईंदा बौचाए दै: तोबै बै जैशैखै हांव चोऊं तैशैखै नी, पौरौ जू तू चांए तैशैखैई हौंव।”

लूका 11:2

तैणै तिनु बौल़ौ, “जोबै तुऐं प्रार्थना कौरौ तौ ऐशैकै बौलेया, ‘ओए रै पिता, तैरौ नांव पवित्र मानौ जांव, तैरा राज्य आंव।

लूका 22:42

“ओए रै पिता, जै तू चांए तौ ऐसी दुख कै छानै कै मैरै धोरे दा हौटाए दै, तोबै बै मैरी नी पौरौ तैरै मोरजी पूरी हौंव।”

लूका 8:28

तैणै यीशु खै दैखैयो लैरौ मारी, औरौ तैसकै सामणै लातो पांदी पौड़ेयौ जोर शै बौल़ौ, “ओए रै शौकतीशाली पौरमेशवर का बैटा यीशु, अमारै तांव आरी कुणजाई लैणा दैणा ना आथी? हांव तुंआदै बिन्ती कौरु, कै मुखै पीड़ो नै दै।”

लूका 8:37

तोबै गिरासेनियों कै आंडे-पांढे कै सौबी लोगै यीशु कैईंदी बिन्तै कौरे, कै अमारै इथैदा आगु जा; जिथु तिनु पांदी डौर छाए गौआ थिया, औरौ सै किश्‍ती पांदी बोठेयो पाछु हौटै गौआ।

यूहन्ना 16:8

औरौ सै आयौ खै दुनिया कै लोगौ कै पाप औरौ धार्मिकता औरौ न्याय कै बारै मुंजी यकीन दिलांदा।

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

प्रेरितो कै काम 16:29

तोबै सै दिवा मौगायों भीतरै ओऊवा, औरौ कामणैयौ पौलुस औरौ सीलासो कै सामणै रिड़ा।

प्रेरितो कै काम 2:37

जोबै लोगै ऐजौ शुणु तौ सै आपी खै दोषी महसूस कौरदै लागै, औरौ सै पतरस औरौ ओकी चोणेयौंदे चैलै कैईंदु पूछदै लागै, “ओए रै भाईयों, आमै का कौरु?”

रोमियों 8:16

पौरमेशवर का पवित्र आत्मा आपी अमारी आत्मा कै साथै गवाही दैंव, कै आमै पौरमेशवर कै नानड़िया औसौ।

रोमियों 8:23

औरौ सिरफ ऐजी सारी दुनिया ही ना आथी जू पीड़ो सैहन कौरौ, पौरौ आमै बै पवित्र आत्मा कै दवारा हौणौवाल़ी महिमा का स्वाद चाखदै, जोबै कै आमै भीतरै ही भीतरै शुशकार भौरु; पौरौ आमुए ऐबै तैसी सौमय का इंतजार कौरे लौआ जोबै पौरमेशवर आमु आपणै नानड़िया बाणणौ कारिए ऊबा निला औरौ अमारै शोरीर कै सौबै दुष्टता शै छुटकारा कौरला। यानी आमु नौवें शोरीर दैयौ अमारै शोरीरो कै आज़ाद कौरदा।

रोमियों 8:26

ऐशैखैई पवित्र आत्मा बै अमारै मौदद कौरौ जोबै पौरमेशवर दा अमारा भोरोशा कमजोर औसौ, जिथुकै आमै ना जाणु कै, प्रार्थना कैशैखै कौरणी चैंई; पौरौ पवित्र आत्मा आपी ही ऐशणी शुशकार भोरेयौ अमारै खातिर बिन्ती कौरौ जू ब्‍याँ कौरणौ शै बायरै औसौ,

रोमियों 9:4

सै पौरमेशवर कै लोग औसौ; पौरमेशवरे तिनु आपणै नानड़िया बाणै औरौ तिनु कारिए आपणै महिमा कै प्रकट कौरे; तिनकै साथै आपणै कौरार बानै औरौ तिनु मूसा कै कानून दियै; ताकि सै साची तरीकै शै पौरमेशवर कै आराधना कौरौ; तिनुकै पौरमेशवर कै प्रतिज्ञाएँ भैटी रौई।

1 कुरिन्थियों 2:12

आमु दुनिया कै आत्मा नी पौरौ सैजी आत्मा भैटी रौए, जू पौरमेशवर कै ढौबौशी औसौ कै आमै सैजौ सौबै जाणै सौकु, जू पौरमेशवरे आमु दया शै दैय राए।

2 कुरिन्थियों 11:4

जै कुणिए तोंवारै धोरे आऐबा ओकी यीशु कै बारै दौ बौतांव तौ तुऐं तैसी नौवें आदमी कै अपनाणौ कारिए बैजाए बैताब रौंव सै तौ सैजा यीशु ना आथी जैसकै बारै दौ आमुए बौतौऊ थियु। जोबै तुऔं कै ऐशणा आत्मा औरौ सौंदेश भैटौ जू तैसी आत्मा औरौ सौंदेश साए ना हौं जू आमुए बौताए राय थिया। तौ तुऐं तिनु शिक्षा कै मानणौ दै गौलत औसौ।

गलातियौं 5:1

मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

इफिसियों 1:5

जिथुकै पौरमेशवर आमुआरी प्यार कौरौ, इथकारिए तैणै बैजाए आगै ऐजा फोयसला कौरा कै सै आमु आपणै संतान बाणदा जिथुकै आमै यीशु मसीह कै साथै ऐक औसौ पौरमेशवरे ऐशै आपणै ही इछा औरौ खुशी कै हिसाब शै कौरे राए।

2 तीमुथियुस 1:7

पौरमेशवरे आमु कै डरपोक ना बाणै रैई। पौरौ तैसका आत्मा आमु कै आत्मिक सामर्थ दैंव, आमु कै ओकीआरी प्यार कौरणौ दै अमारै मौदद कौरौ औरौ आमु कै आत्म संयम दैंव।

इब्रानियों 2:15

औरौ ऐशैखैई प्रभु यीशुए तिनु सौबी खै आज़ाद कौरे दियै, जू हर सौमय गुलामो कै जैशणै रौंव थिए जिथुकै सै मौरणौ दै डौरौ थिए।

याकूब 2:19

ताखै बिशवाश औसौ कै ऐकैई पौरमेशवर औसौ; तू आछौ कौरे, दुष्टआत्मा बै ऐशणा बिशवाश राखौ, औरौ कामणैयौ डौरौए।

1 यूहन्ना 4:18

प्यार दा डौर ना हौंव, पौरौ साचा प्यार डौर कै दूर कौरे दैंव, जिथुकै जू डौरौए सै सौजा शै डौरौ। औरौ जू डौरौए, सै प्यार दा सिध्द ना आथी।