रोमियों 8:14 - सिरमौरी नौवाँ नियम

¹⁴ इथकारिए जैतरै लोग पौरमेशवर कै आत्मा कै हिसाब शै चालौ, सैजैई पौरमेशवर कै संतान औसौ।

Sirmouri

¹⁴ ईन्देंखे के जै-तोड़े लोग पंणमिश्वर की आत्त्मा के जाँणें चालाऐ ज़ाँव, सेजे ही पंणमिश्वर के अलाद असो।

रोमियों 8:14 ပူးပေါင်းရင်းမြစ်များ

मत्ती 5:9

“धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

रोमियों 8:19

जिथुकै सारी दुनियाए बौड़ी आशा भोरी नोज़रो लैई पौरमेशवर कै संतानो कै प्रगट हौणौ कै ठोल़नाए कौरे लोए।

रोमियों 8:5

सैजै लोग जू पापी स्‍वभाव कै दवारा काबू कौरे जांव सैजै लोग पाप कै बातौ कै बारै मुंजी सुंचौए, पौरौ सैजै लोग जू पवित्र आत्मा कै दवारा चलाए जांव सै तिनु बातौ कै बारै मुंजी सुंचौ जू आत्मा कै खुश कौरौ।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

रोमियों 9:26

औरौ जैसी ठाँव दा पौरमेशवरे बौल़ौ, तुऐं मैरै लोग ना आथी, तैसी ही ठाँव दा जियुंदै पौरमेशवर तिनु आपणै संतान बौलदा।”

रोमियों 9:8

यानी जू वंश कुदरत कै हिसाब शै जन्म लोंव सैजै पौरमेशवर कै संतान ना आथी, सिरफ वादै कै संतान ही अब्राहम कै संतान मानै जांदै।

2 कुरिन्थियों 6:18

औरौ तोंवारा पिता हौंदा, औरौ तुऐं मैरै बैटै औरौ बेटियाँ हौंदी; ऐजा सौबिदा बौड़ा शौकतीशाली प्रभु पौरमेशवर का वचन औसौ।”

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 4:5

ताकि सै आमु आज़ाद कौरे सौकौ, जू मूसा कै कानून कै अधीन रौंव थिए। औरौ तैणै आमु आपणै ही नानड़िया कै रुप दै गोद लौए राए।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

गलातियौं 5:16

पौरौ हांव बुलू, पवित्र आत्मा खै तुऔं खै काबू दै कौरणौ दौ। तोबै तुऐं सैजौ ना कौरदै जिथका तोंवारा पापी स्‍वभाव लालसा कौरौ।

गलातियौं 5:18

पौरौ जै तुऐं पवित्र आत्मा कै काबू दै हौयौ चालौ तौ मूसा कै कानून कै अधीन ना रौं।

इफिसियों 1:5

जिथुकै पौरमेशवर आमुआरी प्यार कौरौ, इथकारिए तैणै बैजाए आगै ऐजा फोयसला कौरा कै सै आमु आपणै संतान बाणदा जिथुकै आमै यीशु मसीह कै साथै ऐक औसौ पौरमेशवरे ऐशै आपणै ही इछा औरौ खुशी कै हिसाब शै कौरे राए।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

प्रकाशितवाक्य 21:7

जू जीत हासिल कौरौ, सै मुंकैई दी इनु सौबी आशीषौ खै पांदा; औरौ हांव तैसका पौरमेशवर हौंदा, औरौ सै मैरा बैटा हौंदा।