रोमियों 7:6 - सिरमौरी नौवाँ नियम

⁶ पौरौ आमै तैसी नियम कारिए मौरे गौवै थिए जैणै आमु बोन्दी बाणै राए थिए, ऐबै नियम पौरैशै ऐशै छुटै गौवै, कै ऐबै आमु पौरमेशवर कै सेवा पुराणै तरीकै शै लिखित नियम कै मानणौ कै दवारा ना कौरु, पौरौ नौवें तरीकै शै पौरमेशवर कै आत्मा कै अगुवाई कै दवारा कौरु।

Sirmouri

⁶ परह् ऐबे आँमें जू ऋषी-मूसा खे भेटे गुऐ निय्म दे जक्ड़े आँदें थिऐ, तेसी बंधण शे आछ़ै करियों मुँक्त्ति पाऐयों मुँक्त्त हऐ गुऐ। ऐशे दाँई ऐबे आँमें पुराँणें लिखे आँदें निय्म के मुताबिक ने; परह् पबित्र-आत्त्मा के नुऐं निय्म के मुताबिक परमिश्वर की सेवा करी सको।

रोमियों 7:6 ပူးပေါင်းရင်းမြစ်များ

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

रोमियों 6:11

ऐशैखैई तुऐं बै आपी कै पाप की शौकतै कारिए मौरेयौंदे सौमझौ, पौरौ पौरमेशवर कारिए मसीह यीशु दै पौरमेशवर कै सेवा कारिए जियौं।

रोमियों 6:19

मोऐं गुलामी का ऐजा उदारण तुऔं खै इथकारिए दिया ताकि तुऐं इनु कामकै सौमझै सौकौ कै मोऐं का शिखाए लो। जैशै तुऐं आपणै शोरीरो कै अंगो कै अशुध्दता औरौ कुकर्म कै दास कौरेयौ सौंपै राए थिए, तैशैखैई ऐबै आपणै अंगो खै पवित्रता कारिए धार्मिक जीवन जिणौ कारिए सौंपै दैव।

रोमियों 6:2

ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 6:4

इथकारिए जोबै आमुए बपतिस्मा लौआ तौ ऐजौ ऐशै थियु जैशै आमु मसीह कै साथै मौरे गौवै औरौ तैसकै साथै दफनाए बै दियै। ताकि जैशैखै मसीह, पौरमेशवर पिता कै महिमा कै दवारा मौरेयौंदे मुंजीदा जियुंदी हौए गौआ, तैशैखैई आमै बै ऐक नौवें तरीकै शै जीवन जिंदै।

रोमियों 7:1

ओए रै बिशवाशी भाईयों, तुऐं जाणौए कै (हांव नियम जाणणौ वाल़ै शै बुलू) कै जांव तौड़ी आदमी जियुंदी रौंव, तांव तौड़ी तैसी पांदी नियमौ का औधिकार रौंव।

रोमियों 7:2

बैयाएयौंदे बैटमाणिश नियम कै हिसाब शै आपणै घोरवाल़ै कै जीतै जी तैसीआरी जोड़ेयौंदे औसौ, पौरौ जै घोरवाल़ा मौरे जांव, तौ सै घोरवाल़ै कै नियम पौरैशै छुटै गौए।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

गलातियौं 6:15

जिथुकै ना खतना औरौ ना खतनारहित किछै माइनै ना राखौ, पौरौ पौरमेशवर कै दवारा ऐक नौवाँ आदमी बाणै जाणा ही माइनै राखौ।

इफिसियों 4:24

औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।