रोमियों 7:22 - सिरमौरी नौवाँ नियम

²² जिथुकै हांव आपणै पूरै मन शै तौ पौरमेशवर कै नियम लैई बैजाए खुशी रोऊं।

Sirmouri

²² किन्देंखे के हाँव अंदरूनीं मंन शा तअ पंणमिश्वर के निय्म शा बेजाऐ खुशी रंहू।

रोमियों 7:22 ပူးပေါင်းရင်းမြစ်များ

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

2 कुरिन्थियों 4:16

इथकारिए आमै हिम्मत ना छुडु़; जोबै कै अमारा शोरीर नाश बै हौंदा जांव, तोबै बै अमारै भीतरो का आत्मा हर रौज नौवाँ हौंदा जांव।

इफिसियों 3:16

हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

कुलुस्सियों 3:9

ऐकी दुजैआरी झूठु नी बौलेया, जिथुकै तुऐं आपणै पुराणै पाप वाल़ै स्‍वभाव कै छोड़े दियै।

इब्रानियों 8:10

तोबै प्रभु बौल़ौ, कै जू कौरार हांव आणौवाल़ै दूसौ दै इस्राएल देश खै लोगौ कै साथै कौरदा, सैजै ऐजै औसौ, कै हांव तिनु मैरै नियम कै बारै मुंजी सुंचणौ दैंदा, औरौ सै तिनु आपणै मन दै राखदै, औरौ हांव तिनका पौरमेशवर बौणदा, औरौ सै मैरै लोग हौंदै।

1 पतरस 3:4

पौरौ तुऔं भीतरो शै आणौवाल़ै नम्र औरौ शान्त बर्ताव कै सुन्दरता लैई आपी कै सुन्दर बौणणौ चैंई। ऐजी सुन्दरता कौलोंई ना मिटौ, औरौ पौरमेशवर कै नज़र दै बैजाए कीमती औसौ।