रोमियों 6:6 - सिरमौरी नौवाँ नियम

⁶ जिथुकै आमै जाणुए कै अमारा पुराणा पापवाल़ा स्‍वभाव मसीह कै साथै क्रूसो पांदी चौढ़ाए गौआ, ताकि अमारै शोरीर दै पाप वाल़ा स्‍वभाव खत्म हौए जांव, औरौ आमै आगै कै पाप कै गुलामी दै ना रोऊं।

Sirmouri

⁶ आँमें जाँणोंऐं, के अमाँरा पुराँणा सभाव तिनू आरी शुँल़ी-फ़ाँशी चढ़ाऐ पाँया, जू आँमें पाप के बष दे ने रंह्;

रोमियों 6:6 ပူးပေါင်းရင်းမြစ်များ

रोमियों 6:12

इथकारिए पाप वाल़ी इछाओं कै आपणै जीवन पांदी राज्य ना कौरणौ दैव, औरौ आपणी पाप वाल़ी इछाओं कै हिसाब शै काम ना कौरौ।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 7:14

जिथुकै आमै जाणुए कै नियम तौ आत्मिक औसौ, पौरौ हांव आदमी औसौ औरौ हांव पाप का गुलाम औसौ।

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

2 कुरिन्थियों 5:14

जिथुकै मसीह का प्यार आमुखै मोजबूर कौरे दैंव; इथकारिए कै आमु ऐजा पौता औसौ, कै ऐक आदमी सौबी लोगौ कै खातिर मौरे गौआ, इथकारिए सौबै लोग मौरे गौवै।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।