रोमियों 6:22 - सिरमौरी नौवाँ नियम

²² पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

Sirmouri

²² परह् ऐबे पापो शे अजाद हऐयों, अरह् पंणमिश्वर के दास बंणियों, तुँओं फल़ भेटा, जिन्दे लई पबित्रता भेंटी, अरह् तिन्दे का अंत्त अमर-जीवन असो।

रोमियों 6:22 ပူးပေါင်းရင်းမြစ်များ

मत्ती 13:40

जैशैखै जोंगली दाणै कौठै कौरौ औरौ फोकै दैंव तैशैकैई दुनिया कै अन्त दो हौंदौ।

मत्ती 13:43

तैसी सौमय धरमी लोग आपणै पिता कै राज्य दै सुरज कै जैशणै चौमकदै; “जिनु कुणिए मैरी बात शुणी लोए, सै ध्यान शै शोणेया।”

मत्ती 19:29

औरौ जैसी कोसीए घोरो या भाईयों या माँ-बापू या नानड़िया या बागड़ी खै मैरै नांव कारिए छोड़े राए, तिनुखै शौ गुणा भेटदो: औरौ सै सौदा कै जिन्दगी का औधिकारी हौंदा।

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:2

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

यूहन्ना 4:36

औरौ फसल काटणौ वाल़ै आगै ही काम कौरे लौआ, औरौ आपणै धियाड़ी पाए लोए, औरौ सै ऐजौ औसौ, कै तिनुऐ तिनु लोगौ कै कौठै कौरे लौवै जू सौदा कै जिन्दगी पालै, कै बौणौवाल़ा औरौ काटणौवाल़ा दुईनै खोशे मौनालै।

यूहन्ना 8:32

तुऐं सौचाई जाणलै, औरौ सौचाई तुऔं खै आज़ाद कौरलै।”

रोमियों 6:14

तोबै तुऔं पांदी पाप कै शौकतै का कुणजाई औधिकार ना आथी, जिथुकै तुऐं मूसा कै कानून कै अधीन नी पौरौ पौरमेशवर कै अनुग्रह कै अधीन जियौं।

रोमियों 6:18

औरौ पौरमेशवरे तुऔं पाप कै शौकतै शै छुड़ाए राए बल्कि तुऐं पौरमेशवर कै दास बौणै गौवै ताकि सैजौ कौरौ जू सोही औसौ।

रोमियों 6:21

आपणै पुराणै जीवन शै तुऔं का फायदा भैटौ? तुऐं इथकी बौजैह शै सिरफ शर्मिंदा हौंव, जिथुकै तिनु कामौ का नतीजा मौत औसौ।

रोमियों 7:25

हांव पौरमेशवर का धन्यवाद कौरु जैणै यीशु मसीह कै दवारा मुखै बौचौऊंवा, इथकारिए हांव आपणी बुध्दि लैई तौ पौरमेशवर कै नियम का, पौरौ शोरीर लैई पाप कै नियम कै सेवा कौरु।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

1 कुरिन्थियों 7:22

जिथुकै जू गुलाम कै दशा दा तैसी सौमय बौएदै गौआ, जोबै सै गुलाम थिया प्रभुए तैसी पाप कै शौकतै शै आज़ाद कौरे राए औरौ तैशैखैई जू आज़ादी कै दशा दै बौएदै गौवै, सै मसीह कै गुलाम बौणौ।

2 कुरिन्थियों 3:17

प्रभु तौ आत्मा औसौ: औरौ जिथै कौथी प्रभु का आत्मा औसौ तिथै पुराणै कौरार शै आज़ादी औसौ।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 4:17

हांव ऐजौ इथकारिए ना लिखु कै हांव तुऔं कैईंदै पौयसै कै मौदद चोऊं पौरौ हांव चोऊं कै ऐजौ तिनु आछी चीज़ौ कै सूची मुंजी शामिल कौरौ जू तुऐं आगै दौ ही कौरे राए औरौ जिथकारिए पौरमेशवर तुऔं इनाम दैंदा।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।

याकूब 1:1

मोऐं याकूबे ऐजै चिट्ठी लैखै लोए। हांव पौरमेशवर औरौ प्रभु यीशु मसीह का सेवक औसौ। मोऐं ऐजै चिट्ठी इस्राएल देश कै बारौ गोत्रो कै लोगौ कारिए लैखै लोए, जू दुनिया दै बिखरे रौवै, तुऔं सौबी लोगौ कै मैरा नमशकार।

1 पतरस 1:9

जिथुकै पौरमेशवर तोंवारै आत्मा कै पाप कै सौजा शै बौचांदा औरौ ऐजा यीशु मसीह दा तोंवारै बिशवाश का मकसद औसौ।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

प्रकाशितवाक्य 7:13

इथु पांदी पुराणिया मुंजीदौ ऐकीए मुंकैई बौल़ौ, “ऐजा चिटै खोटणो बाम्बैयौंदे कुण औसौ? औरौ कुकै दै आए रौवै?”