रोमियों 6:2 - सिरमौरी नौवाँ नियम

² ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

Sirmouri

² बिल्कुल् ने! जबे आँमें पाप के बंन्धण शे छ़ुटी गुऐं, तअ तबे आँमें पाप दा जीवन किया-किया बिताऊँबे?

रोमियों 6:2 ပူးပေါင်းရင်းမြစ်များ

लूका 20:16

सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”

रोमियों 5:11

औरौ सिरफ ऐजौ नी, पौरौ ऐबै तौ अमारै प्रभु यीशु मसीह दवारा पौरमेशवर आरी अमारा मैल-मिलाप हौए रौआ; इथकारिए आमु पौरमेशवर दै खुशी औसौ।

रोमियों 6:15

तौ का हु? जिथुकै आमै मूसा कै कानून कै अधीन नी, पौरौ पौरमेशवर कै अनुग्रह कै अधीन औसौ, इथकारिए आमु पाप नी कौरणै चैंई।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

रोमियों 7:6

पौरौ आमै तैसी नियम कारिए मौरे गौवै थिए जैणै आमु बोन्दी बाणै राए थिए, ऐबै नियम पौरैशै ऐशै छुटै गौवै, कै ऐबै आमु पौरमेशवर कै सेवा पुराणै तरीकै शै लिखित नियम कै मानणौ कै दवारा ना कौरु, पौरौ नौवें तरीकै शै पौरमेशवर कै आत्मा कै अगुवाई कै दवारा कौरु।

गलातियौं 2:19

जोबै मोऐं मूसा कै कानून का पालन कौरणौ कै कौचिश कौरे, तौ मूसा कै कानूनै मुखै दोषी ठैहरोऊवा। इथकारिए मानौ कै हांव मूसा कै कानून कारिए मौरे गौआ ताकि हांव पौरमेशवर कारिए जी सौकु।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

कुलुस्सियों 2:20

जिथुकै तोंवारा पाप वाल़ा स्‍वभाव मसीह कै साथै मौरे गौआ इथकारिए ऐबै तुऔं दुनिया की शिक्षा कै मानणौ कै जौरुरत ना आथी। तौ हौजौ बै तुऐं किथु दुनिया कै जैशणै जिन्दगी बितांव जैशैकै दुनियाए ऐबै बै तुऔं आपणै वश दै कौरे राए?

कुलुस्सियों 3:3

जिथुकै तुऐं तौ आपणै पाप कै स्‍वभाव दै मौरे गौवै औरौ तोंवारा नौवाँ जीवन मसीह कै साथै पौरमेशवर दा छिपैयौंदा औसौ।

1 पतरस 1:14

पौरमेशवर कै आज्ञा कै मानैया कौरौ जिथुकै तुऐं तैसकै नानड़िया औसौ। तिनु बुरै कामौ खै ना कौरौ जिनु तुऐं तोलो कौरणौ कै इछा राखौ थिए, जौल़ौ तुऐं पौरमेशवर कै सौचाई खै ना जाणौ थिए।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

1 यूहन्ना 3:9

जू कुणिए आदमी पौरमेशवर कै संतान औसौ सै लगातार पाप ना कौरौ; जिथुकै पौरमेशवर का स्‍वभाव तैसदा बौणेयौंदा रौंव औरौ सै पाप कौरे ही ना सौकौ जिथुकै सै पौरमेशवर कै संतान औसौ।