रोमियों 6:17 - सिरमौरी नौवाँ नियम

¹⁷ तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

Sirmouri

¹⁷ परह् पंणमिश्वर का धन्यबाद हों, के तुँऐं जू पाप के दास थिऐ, तबे भे ऐबे मंन शे तियों शिक्क्षा के माँन्णों वाल़े हऐ गुऐ, जुण्जी सही शिक्क्षा-मंत्त-शीख दे तुँओं चलाऐ गुऐ;

रोमियों 6:17 ပူးပေါင်းရင်းမြစ်များ

प्रेरितो कै काम 11:18

ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”

प्रेरितो कै काम 28:15

रोम शहर शै किछै बिशवाशी भाईए शुणु कै आमै तिथै आन्दै लागै रौवै औरौ सै आमुआरी भैटिणौ औरौ आमु रोम शहर लौए जाणौ कारिए अप्पियुस नगर कै बाज़ारो औरौ तीन-सराए नगर तौड़ी ओऊवे, जिनु दैखियौ खै पौलुसे पौरमेशवर का धन्यवाद कौरा, औरौ बैजाए हिम्मत बौड़ै।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

रोमियों 1:8

आगै हांव तुऔं सौबी कै यीशु मसीह दवारा आपणै पौरमेशवर का धन्यवाद कौरु, जिथुकै यीशु मसीह पांदी तोंवारै बिशवाश कै चौर्चा बौहितै ठाँव दै हौए रौए।

रोमियों 15:18

जिथुकै मसीहे मैरै दवारा जू कौरे राए हांव ऐजौ बौलणौ कारिए हिम्मत वाल़ा औसौ, हांव बैगानै जाति कै लोगौ कै पौरमेशवर का पालन कौरवाणौ मुंजी काबिल औसौ। जोबै तिनुऐ मैरै शब्दो कै शुणै औरौ मैरै कामौ कै दैखै तिनुऐ यीशु मसीह पांदी भोरोशा कौरा।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

1 कुरिन्थियों 1:4

हांव तोंवारै बारै मुंजी आपणै पौरमेशवर का धन्यवाद सौदा कौरदा रोऊं, इथकारिए कै पौरमेशवरे मसीह यीशु कै साथै एकजुट हौयौ खै आमुखै बैजाए आछी आशीषै दैय रैई।

1 कुरिन्थियों 14:6

इथकारिए ओए रै बिशवाशी भाईयों जै हांव तोंवारै धोरे आऐबा औकै भाषा दी बातौ कौरु, तौ मुं कैईंदा तुऔं का फायदा औसौ? पौरौ जै हांव तुऔं कारिए पेयाशो या किछै खास ज्ञान लियोऊ या हौणौवाल़ी बातौ या शिक्षा दियु, सै तुऔं कारिए फायदैमंद हौन्दी।

2 कुरिन्थियों 2:14

पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

इफिसियों 1:16

हांव सौदा तुऔं कारिए पौरमेशवर का धन्यवाद कौरु, औरौ आपणी प्रार्थनाओं दै तुऔं याद कौरु।

1 थिस्सलुनीकियों 3:9

औरौ जैशणै खुशी आमु तोंवारै बौजैह शै आपणै पौरमेशवर कै सामणै औसौ, तिथकै बौदलै आमु तोंवारै बारै मुंजी दिल शै पौरमेशवर का धन्यवाद कौरु।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

2 तीमुथियुस 1:13

मैरै दवारा शोणेयौंदी साची शिक्षा खै आदर्श बाणैयो पालन कौर। बिशवाश औरौ प्यार कै साथै ऐशै कौर जिथुकै तू मसीह यीशु कै साथै एकजुट औसौ।

फिलेमोन 1:4

हांव जोबै बै प्रार्थना कौरु सौदा तांव कारिए पौरमेशवर का धन्यवाद कौरु।

इब्रानियों 11:8

बिशवाश लैई अब्राहम जोबै पौरमेशवरे तैसी ऐकी जौगैह पांदी जाणौ कारिए बौईदा तौ आज्ञा मानैयौ ऐशणै जौगैह दा हौटा जू पौरमेशवर तैसी आपणै जायदात कै रुप दा दैणा चांव थिया औरौ ऐजौ ना जाणौ थिया, कै हांव कुकै जांदा; तोबै बै हौटै गौआ।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 पतरस 3:1

ओए रै घोरवाल़ियो, आपणै घोरवाल़ै कै ऐशै अधीन रौव जैशै तुऐं प्रभु कै अधीन रौंव। इथकारिए कै जै इनु मुंजीदै कुणिए ऐशणै हौलै जू वचन खै ना मानौ,

1 पतरस 4:17

जिथुकै न्याय कौरणौ का सौमय आए गौआ, कै आगै पौरमेशवर कै लोगौ का न्याय हौंदा, औरौ जोबै कै सै आगै आमु बिशवाशियौं का न्याय कौरदा, इथकारिए तिनु खतरनाक चीज़ौ कै बारै मुंजी सुंचौ जू तिनु लोगौ कै साथै हौंदी जू पौरमेशवर कै सुसमाचार खै ना मानौ।

2 यूहन्ना 1:4

हांव बैजाए खुशी हौआ जोबै मोऐं शुणु कै तैरै किछै नानड़िया तियौं साची शिक्षा कै आज्ञा कै हिसाब शै जी रौवै जू अमारै पिता पौरमेशवरे आमु कौरणौ कारिए बौल़ै राए।

3 यूहन्ना 1:3

जिथुकै किछै बिशवाशी भाईए आयौ मुखै तैरै बारै मुंजी बौताए राए कै तू कैशैखै भोरोशे कै साथै सौचाई शै जी रौआ तौ हांव ऐजौ शोणेयो बैजाए खुशी हौआ।