रोमियों 6:12 - सिरमौरी नौवाँ नियम

¹² इथकारिए पाप वाल़ी इछाओं कै आपणै जीवन पांदी राज्य ना कौरणौ दैव, औरौ आपणी पाप वाल़ी इछाओं कै हिसाब शै काम ना कौरौ।

Sirmouri

¹² ईन्देंखे पाप तुँआरे नाँष बाँन देह्-शरीर गाशी राज ने करह्, जू तुँऐं पाप की हिछ़या के बंष दे कद्दी ने चालो;

रोमियों 6:12 ပူးပေါင်းရင်းမြစ်များ

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 6:14

तोबै तुऔं पांदी पाप कै शौकतै का कुणजाई औधिकार ना आथी, जिथुकै तुऐं मूसा कै कानून कै अधीन नी पौरौ पौरमेशवर कै अनुग्रह कै अधीन जियौं।

रोमियों 6:16

तुऐं जाणौए कै जोबै तुऐं आपी कै कोसी कै गुलाम हौणौ कारिए दैय दैंव तौ सैजा आदमी तोंवारा मालिक हौए जांव औरौ तुऔं सैजौई कौरणौ चैंई जू सै बौल़ौए। पाप कै गुलामी तुऔं मौत कै ढौबौ लौए जांव, जोबै कै पौरमेशवर कै आज्ञा मानणी तुऔं कै धार्मिक जीवन कै ढौबौ लौए जांव।

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

2 कुरिन्थियों 5:4

औरौ आमै ऐसी शोरीर दै रौयौ जू तोम्बू कै जैशणै पौरैशानी कै बौझ कै धैनै दौबेयौ लेलयांदै रौंव; जिथुकै आमै इनु सांसारिक शोरीरो खै छोड़णा ना चोऊं, पौरौ आमै चोऊं कै पौरमेशवर आमु स्वर्गीय शोरीर दैंव, ताकि ऐजै शोरीर जू मौरे जांदै सै सौदा कै जिन्दगी लैई बौदलै जांदै।

गलातियौं 5:16

पौरौ हांव बुलू, पवित्र आत्मा खै तुऔं खै काबू दै कौरणौ दौ। तोबै तुऐं सैजौ ना कौरदै जिथका तोंवारा पापी स्‍वभाव लालसा कौरौ।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

इफिसियों 2:3

आमै बै आगै तिनु जैशणै जियुं थिए, औरौ आपणै पापी स्‍वभाव कै इछाओं कै पूरी कौरु थिए, औरौ जू बै अमारी बुरी इछाएं औरौ विचार आमुखै बौल़ौ आमै सैजौई कौरु, औरौ बाकी सौबी कै जैशणै, आमै बै स्वाभाविक रुप शै बुरै थिए औरौ जू पौरमेशवर कै सौजा कै अधीन औसौ।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

1 थिस्सलुनीकियों 4:5

औरौ तुऔं ऐजा काम अभिलाषा शै नी कौरणा चैंई, औरौ ना बैगानै यहूदी लोगौ कै जैशणा, जू पौरमेशवर खै ना जाणौ।

2 तीमुथियुस 2:22

इथकारिए, तिनु पापी लालसाओं शै बौचेयौंदे रौया जू जवान लोगौ कै आकर्षित कौरौ। औरौ जू शुध्द मन शै प्रभु का नांव ध्यान कौरौ, तिनकै साथै धार्मिकता, औरौ बिशवाश औरौ मैल मिलाप राखणौ कै कौचिश कौर।

तीतुस 2:12

आपणै अनुग्रह शै पौरमेशवर आमु शिखांव कै तैशैखै बर्ताव कौरणा बंद कौरौ, जू तैसी खुश ना कौरौ, तिनु चीज़ौ की लालसा कौरणै बंद कौरौ जिनकै इछा अबिशवाशी कौरौ, औरौ जौबेकै आमै इबी इयौं दुनिया पांदी ही औसौ तौ बुध्दिमानी शै औरौ धार्मिकता कै साथै ऐशैखै काम कौरु जिथलैई पौरमेशवर खै खुशी भैटौ।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

1 पतरस 1:14

पौरमेशवर कै आज्ञा कै मानैया कौरौ जिथुकै तुऐं तैसकै नानड़िया औसौ। तिनु बुरै कामौ खै ना कौरौ जिनु तुऐं तोलो कौरणौ कै इछा राखौ थिए, जौल़ौ तुऐं पौरमेशवर कै सौचाई खै ना जाणौ थिए।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।

यहूदा 1:18

सै तुऔं बौलेया कौरौ थिए, “अमारै प्रभु यीशु मसीह कै आणौ दै आगै, ऐशणै लोग हौंदै जू प्रभु औरौ तैसकै लोगौ का मजाक कौरदै। ऐजैई सैजै लोग औसौ जिनकै जीवन बुरी इछाओं कै काबू दै औसौ।”