रोमियों 5:2 - सिरमौरी नौवाँ नियम

² अमारै बिशवाश की बौजैह शै, मसीहे आमु ऐसी अनुग्रह दै लाए राए जिथै आमै इबी खौड़ै औसौ, औरौ आमै निशोंक औरौ खुशी कै साथै पौरमेशवर कै महिमा कै साझा कौरणौ कै आशा दैखु।

Sirmouri

² जेस्के जाँणें बिश्वाष के कारण तियों कृपा तोड़ी जिन्दें आँमें बंणें अंदें असो, अरह् तिन्दी अमाँरी पहऊँच भे हंऐ, अरह् पंणमिश्वर की बड़ियाऐ की भूर्षें गाशी आँमें आँनन्द करह्।

रोमियों 5:2 ပူးပေါင်းရင်းမြစ်များ

मत्ती 25:21

तैसकै मालिकै तैसी बौल़ौ, ‘बौहुत बोड़िया, ओए रै आछै औरौ बिशवाश लायक नोकर तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्‍दा। आपणै मालिक कै खुशी दा शामिल हौव।’

यूहन्ना 10:7

तोबै यीशुए तिनुखै हौजौ बौल़ौ, “हांव तुऔं खै साचौ-साचौ बुलू, भेड़ो कौ दवार हांव ही औसौ।

यूहन्ना 10:9

हांव ही दवार औसौ; जै कुणिए मैरै दवारा भीतरै आला, पौरमेशवर तैसका ही उध्दार कौरला औरौ भीतरै आया जाया कौरला औरौ खाणौ कारिए घास दैला।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

प्रेरितो कै काम 14:27

अन्‍ताकिया शहर पोंचैयो, तिनुऐ कलीसिया कौठै कौरे औरौ बौतौऊ, कै पौरमेशवरे अमारै साथी हौयौ कैशणै बौड़ै-बौड़ै काम कौरे! औरौ कैशैखै पौरमेशवरे बैगानै यहूदी लोगौ खै यीशु मसीह पांदी बिशवाश कौरणौ कै लायक बाणै।

रोमियों 11:20

ऐजौ साचौ औसौ, सै तौ अबिशवाश कै बौजैह शै तौड़ै गोई, पौरौ तू बिशवाश दा बौणेयौंदा रौंव, इथकारिए घमण्डी नी हौं, पौरौ डौर मानैया,

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

रोमियों 14:4

इथकारिए तुऔं कोसी कै दास का न्याय नी कौरणा चैंई? सै चाहै कामयाब हौंव या ना हौंव, तैसकै स्‍वामी ही शै सौमबंध राखौ, यानी सै कामयाब ही कौरे दिया जाला जिथुकै प्रभु तैसी कामयाब कौरे सौकौ।

रोमियों 15:13

हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 3:23

इथकारिए सौबीए पाप कौरे राए औरौ पौरमेशवर कै तियौं महिमा शै दूर औसौ जू सै दैणै चांव,

रोमियों 5:5

औरौ आशा लैई शर्म ना हौंव, जिथुकै पवित्र आत्मा जू पौरमेशवरे आमु दैय राए तैसकै दवारा पौरमेशवर का प्यार अमारै मनो कै आपणै प्यार लैई भोरै राए।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

रोमियों 8:24

ऐबै जोबै पौरमेशवरे आमु बौचाए राए, तौ आमुकैंई ऐजी आशा औसौ। पौरौ जोबै तुऐं किछै पाणौ कै इछा कौरे लोए तौ जू तुऔं कैंई आगै दो औसौ, सैजी आशा ना आथी। कुणिए बै तियौं चीज़ौ खै पाणौ कै इछा ना कौरौ जू तैसीकैईं आगै दी औसौ।

1 कुरिन्थियों 15:1

ओए रै बिशवाशी भाईयों, हांव तुऔं सैजाई सुसमाचार याद दियोऊं, जू आगै शुणाए राए, जू तुऐं अपनाए राए थिया, औरौ जिथमुंजी तुऐं भोरोशा कौरणा जारी राखा।

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 3:12

मसीह कै साथै अमारै जुड़णौ कै बौजैह शै औरौ तैसी पांदी अमारै बिशवाश की बौजैह शै, ऐबै आमु पौरमेशवर कै सामणै हिम्मत औरौ आत्मविशवास शै आए सौकु।

2 थिस्सलुनीकियों 2:16

आमै आपी प्रभु यीशु मसीह शै, औरौ अमारै पिता पौरमेशवर शै प्रार्थना कौरु जू आमुआरी प्यार कौरौ औरौ जैणै आपणै अनुग्रह शै आमु सौदा हौंसला औरौ मोजबूत आश दैय राए।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 6:18

तौ तोबै ऐजी दौ बातौ औसौ तैसका वादा औरौ तैसकै शौं जू कौलोंई ना बौदलै सौकौ औरौ जिथकै बारै मुंजी पौरमेशवर कौलोंई झूठु ना बौल़ै सौकौ। इथकारिए आमै जू पौरमेशवर कै नेड़िक रक्षा पाणौ खै ओऊं औरौ जू आशा तैणै आमु दैय राए, तियौं थाम्बैयौ, बैजाए खुशी औसौ।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

प्रकाशितवाक्य 21:11

शहर पौरमेशवर कै ढौबौशै भैटिणौ वाल़ी तैज पेयाशै लैई चौमकै रौआ थिया, औरौ तैसकौ पेयाशो बैजाए कीमती पाथर, यानी यशब नांव कै बेशकिमती पाथर कै जैशणा चौमकै रौआ थिया, औरौ कांच कै जैशणौ साफ थियु।

प्रकाशितवाक्य 21:23

तिथै ना तौ सुरज औरौ ना ही चंद्रमा कै चौमकौणौ कै जौरुरत औसौ, जिथुकै सैजौ शहर पौरमेशवर औरौ मेम्ने कै चौमक लैई रोशन औसौ।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।

प्रकाशितवाक्य 3:21

सैजै लोग जू जीत पालै सैजै लोग मैरै साथै मैरै सिंहासन पांदी बौठदै, तैशैखैई जैशै मोऐं जीत पाए राए औरौ आपणै पिता कै साथै तैसकै सिंहासन पांदी बौठै गौआ।