रोमियों 5:12 - सिरमौरी नौवाँ नियम

¹² इथकारिए जैशै ऐकी आदमी आदम कै दवारा, पाप इयौं दुनिया दा ओऊवा, औरौ आदम ही आगला आदमी औसौ जैसी पौरमेशवरे बाणै राए थिया औरौ आदमै पाप कौरा, औरौ सै मौरे गौआ, औरौ सौबी लोगौ पांदी मौत आए, जिथुकै सौबै लोग आदम कै संतान औसौ, इथकारिए जोबै आदमै पाप कौरा तौ सौबीए पाप कौरा औरौ पापवाल़ा स्‍वभाव फौयल़दा गौआ।

Sirmouri

¹² ईन्देंखे जेष्णाँ ऐकी आदमी के जाँणें पाप संईसारी दा आया, अरह् पापो शी मऊँत आऐ, तअ: ऐशी दाँई मऊँत सोभी आदमी मुँझी फऐली गऐ, किन्देंखे के सोभीऐं पाप करी थुवा।

रोमियों 5:12 ပူးပေါင်းရင်းမြစ်များ

रोमियों 3:23

इथकारिए सौबीए पाप कौरे राए औरौ पौरमेशवर कै तियौं महिमा शै दूर औसौ जू सै दैणै चांव,

रोमियों 5:18

इथकारिए जैशै ऐक पाप सौबै आदमियों कै सौजा कै बौजैह हौए, तैशैखैई ऐक धार्मिकता कै काम बै सौबै आदमियों कै जीवन कारिए धरमी साबित कौरे जाणौ कै बौजैह हौए।

रोमियों 5:19

जिथुकै जैशै ऐक आदमी कै आज्ञा ना मानणौ लैई बौहितै लोग पापी ठौहरौ, तैशैखैई ऐक आदमी कै आज्ञा मानणौ लैई बौहितै लोग धरमी साबित कौरे जांदै।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 6:21

आपणै पुराणै जीवन शै तुऔं का फायदा भैटौ? तुऐं इथकी बौजैह शै सिरफ शर्मिंदा हौंव, जिथुकै तिनु कामौ का नतीजा मौत औसौ।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

1 कुरिन्थियों 15:56

जिथुकै पाप ऐशणा डंक औसौ जिथका नतीजा मौत हौं, औरौ मूसा कै कानून पापौ कै बौढ़णौ कारिए शौकतै दैंव।

इफिसियों 2:3

आमै बै आगै तिनु जैशणै जियुं थिए, औरौ आपणै पापी स्‍वभाव कै इछाओं कै पूरी कौरु थिए, औरौ जू बै अमारी बुरी इछाएं औरौ विचार आमुखै बौल़ौ आमै सैजौई कौरु, औरौ बाकी सौबी कै जैशणै, आमै बै स्वाभाविक रुप शै बुरै थिए औरौ जू पौरमेशवर कै सौजा कै अधीन औसौ।

याकूब 1:15

इथकै बाद जोबै सै पाप कौरणौ का फोयसला कौरौ जिथकै सै इछा राखौ, तोबै सै पाप वाल़ै काम कै कौरौ औरौ जोबै पाप बौढ़ै जांव तौ इथका नतीजा सौदा कै मौत औसौ।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।