रोमियों 5:1 - सिरमौरी नौवाँ नियम

¹ इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

Sirmouri

¹ तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 5:1 ပူးပေါင်းရင်းမြစ်များ

लूका 19:38

“धन्‍य औसौ सैजा राजा जू प्रभु कै औधिकार शै आंव। स्वर्ग दै शान्तै औरौ महिमा हौंव।”

लूका 19:42

औरौ बौल़ौ, “का आछौ हौंदौ कै तू, हां, तू ही ऐलो कै दूसौ दा पौरमेशवर कै शान्तै कै बारै मुंजी जाणदा। पौरौ इबी ऐजी बातौ तैरै आखी लैई छिपै रोई।

लूका 2:14

“स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

रोमियों 1:17

जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 10:10

आमै आपणै मन शै बिशवाश कौरु, औरौ इथकारिए आमु पौरमेशवर कै साथै धरमी साबित होऊं। औरौ अमारै मुँह कै अंगीकार अमारै बिशवाश कै दिखांव जिथलैई आमै बौचाए जोऊं।

रोमियों 10:15

औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”

रोमियों 14:17

जिथुकै पौरमेशवर कै राज्य दो खाणौ पिणु खास ना आथी। खास बात ऐजी औसौ कै पौरमेशवर कै साथै सोही जीवन जिणा, पवित्र आत्मा दै शान्तै औरौ खुशी औसौ।

रोमियों 15:13

हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

रोमियों 15:33

हांव प्रार्थना कौरु कै पौरमेशवर, जू शान्तै दैंव, तुऔं सौबी कै साथै रौंव। आमीन।

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

रोमियों 3:30

जिथुकै ऐकैई पौरमेशवर औसौ, जू खतनावाल़ौ कै बिशवाश लैई औरौ बिना खतनावाल़ौ कै बै बिशवाश लैई धरमी साबित कौरौ।

रोमियों 4:5

पौरौ जू आदमी पौरमेशवर का पक्ष पाणौ कारिए काम ना कौरौ पौरौ जू पापी लोगौ खै धरमी ठोहराणो वाल़ै पौरमेशवर पांदी बिशवाश कौरौ, तैसका बिशवाश तैसी कारिए धार्मिकता गिणा जांव।

रोमियों 5:11

औरौ सिरफ ऐजौ नी, पौरौ ऐबै तौ अमारै प्रभु यीशु मसीह दवारा पौरमेशवर आरी अमारा मैल-मिलाप हौए रौआ; इथकारिए आमु पौरमेशवर दै खुशी औसौ।

रोमियों 5:18

इथकारिए जैशै ऐक पाप सौबै आदमियों कै सौजा कै बौजैह हौए, तैशैखैई ऐक धार्मिकता कै काम बै सौबै आदमियों कै जीवन कारिए धरमी साबित कौरे जाणौ कै बौजैह हौए।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

रोमियों 9:30

तौ आमै इनु बातौ कै बारै मुंजी का बुलू? बैगानै यहूदी लोग आपी खै पौरमेशवर कै साथै सोही राखणौ कै कौचिश ना कौरौ थिए, पौरौ पौरमेशवरे तिनु खुद कै साथै सोही राखै जिथुकै तिनुऐ तैसी पांदी भोरोशा कौरे राए थिया। पौरमेशवरे तिनु बिशवाश कै दवारा धरमी साबित कौरे;

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 3:25

पौरौ ऐबै जोबै कै आमुए मसीह पांदी आपणा बिशवाश राखै राए, तौ ऐबै अमारी मौदद कौरणौ कारिए औरौ अमारा मार्गदर्शन कौरणौ कारिए मूसा कै कानून कै जौरुरत ना आथी।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

फिलिप्पियों 3:9

औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

कुलुस्सियों 1:20

पौरमेशवरे आपणै बैटै कै भैजणौ का फोयसला कौरा जैणै आपणा लोऊ बोऊंवा औरौ क्रूसो पांदी मौरे गौआ, पौरमेशवरे ऐशै आपणै औरौ सौबी चीज़ौ कै बीच मुंजी मैल मिलाप कौरवाणौ कारिए कौरौ। ऐशैखैई, तैणै आपणै औरौ तिनु सौबी कै बीच मुंजी शान्तै बाणै जू स्वर्ग औरौ धोरती पांदी रौंव।

कुलुस्सियों 3:15

औरौ सैजै शान्तै जू मसीह दैंव तियौं आपणै दिल दै राज कौरणौ दैव जिथुकै तुऐं सौबै ऐकैई शोरीर कै अंग औसौ। इथकारिए तुऔं ऐकी दुजैआरी शान्तै शै रौणौ कारिए बौएदै राए। औरौ सौदा पौरमेशवर का धन्यवाद कौरदै रौव।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

2 थिस्सलुनीकियों 3:16

हांव प्रार्थना कौरु कै प्रभु, जू शान्तै का स्रोत औसौ सै हर तरह शै तुऔं हमैशा शान्तै दैंदा रौंव: औरौ प्रभु तुऔं सौबी कै साथै सौदा रौंव।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।