रोमियों 4:12 - सिरमौरी नौवाँ नियम

¹² औरौ अब्राहम खतना कौरेयौंदे का पुराणिया औसौ, जू ना सिरफ खतना पांदी आश राखदै बैई औसौ, पौरौ जिनुकैईं तैशणा बिशवाश औसौ, जैशणा अमारै पुराणिया अब्राहम का थिया, जू तैणै खतना कौरणौ दै आगै कौरे राए थिया।

Sirmouri

¹² अब्राहम खतना करे अंदें का बाबा, ना के सिर्फ बिना खतने करे अंदें का बाबा असो, परह् तिनका भे बाबा असो, जुण्जे तेसी बिश्वाष की बाटो दे चाला, जुण्जा अमाँरे बाबा अब्राहम ऐ बिना खतने की दषा दा धारण करा थिया।

रोमियों 4:12 ပူးပေါင်းရင်းမြစ်များ

मत्ती 3:9

औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ। हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

रोमियों 4:11

पौरमेशवरे तैसी खतना हौणौ दै आगैई धरमी साबित कौरे राए थिया, खतने का निशान ऐजौ दिखांव कै पौरमेशवर तैसी धरमी सौमझौ। पौरमेशवर बिशवाश कौरणौवाल़ौ का आत्मिक पिता औसौ पौरौ जिनका खतना ना हौए रैई। तोबै बै सैजै लोग आपणै बिशवाश कै जरिए ही धरमी गिणै जालै।

रोमियों 4:13

पौरमेशवरे अब्राहम औरौ तैसकी आणौवाल़ी पीढ़ी शै वादा कौरा कै सै तिनु इयौं दुनिया कै वारिस बाणदा। ऐजा वादा इथकारिए ना कौरे रैई थी जिथुकै अब्राहमै मूसा कै कानून का पालन कौरे राए थिया, पौरौ पौरमेशवर दा तैसकै बिशवाश की बौजैह शै तैसी धरमी साबित कौरा।

2 कुरिन्थियों 12:18

मोऐं तीतुस खै सौमझायौ तैसकै साथै तैसी भाई खै भैजा, तौ का तीतुसै धौखा कौरेयौ तुऔं कैंईदौ किछै कौरौ? का आमु ऐकैई मकसद दै ना चालु? का ऐकै ही काम ना कौरी?

1 पतरस 2:21

पौरमेशवर कै दवारा तुऔं चोणे जाणौ कै बौजैह मुंजीदै ऐक बौजैह ऐजी औसौ कै तुऔं तैसी कारिए भले काम कौरदै बैई दुख सैहन कौरे पांदै। मसीह, जैणै तोंवारै खातिर दुख सौऊवै, सै आपी तुऔं कारिए ऐक उदारण दैय गौआ, ताकि तुऐं तैसीकै जैशणै चालै सौकौ।