रोमियों 3:30 - सिरमौरी नौवाँ नियम

³⁰ जिथुकै ऐकैई पौरमेशवर औसौ, जू खतनावाल़ौ कै बिशवाश लैई औरौ बिना खतनावाल़ौ कै बै बिशवाश लैई धरमी साबित कौरौ।

Sirmouri

³⁰ किन्देंखे के ऐक ही पंणमिश्वर असो, जू खतना वाल़े खे अरह् बिना खतना वाल़े खे भे तेसी ही बिश्वाष के जाँणें आप्णीं नंजरी दे बै-कसूर बाँणों।

रोमियों 3:30 ပူးပေါင်းရင်းမြစ်များ

रोमियों 2:26

तौ जै बिना खतना कै आदमी मूसा कै कानून कै नियमौ का पालन कौरौ, तौ पौरमेशवर तैसी आदमी कै ऐशणा दैखौ जैसका खतना हौए रौआ।

रोमियों 2:27

औरौ जू आदमी शारीरिक रुप शै बिना खतना रौआ जै सै मूसा कै कानून का पालन कौरौ, तौ का तांव कैंई जू मूसा का कानून औसौ औरौ खतना कौरणौ कै बाद बै तू इथका पालन ना कौरे, तौ सै ताखै दोषी ना ठौहरांदा?

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

रोमियों 3:28

इथकारिए आमै जाणुए कै पौरमेशवरे आमु यीशु मसीह पांदी बिशवाश कौरणौ शै धरमी साबित कौरे राए, ना कै मूसा कै कानून कै मानणौ शै।

रोमियों 4:16

इथकारिए लोगै बिशवाश कै दवारा अनुग्रह ही शै पौरमेशवर का वादा पौऊवा। इयौं बौजैह शै अब्राहम कै सौबी संतानो कै ऐजा वादा भैटी सौकौ। जू सिरफ मूसा कै कानून मानणोवाल़ै कै ना आथी, पौरौ ऐजा सौबी आदमी कै औसौ जू अमारै पुराणिया अब्राहम कै जैशणा बिशवाश शै जीवन जियौं।

रोमियों 4:9

तौ ऐजै धन्‍य वचन, का खतनावाल़ै ही कारिए औसौ, या बिना खतनावाल़ै कारिए बै औसौए? आमुए सैजौई लो बौल़ै जू पवित्र शास्त्र बौल़ौ, “अब्राहमै पौरमेशवर कै वादै पांदी बिशवाश कौरा, औरौ पौरमेशवरे तैसी धरमी साबित कौरा।”

गलातियौं 3:20

जोबै दो लोगौ कै बिज़ सौमझौता हौंव, तोबै बिचोलिया कै जौरुरत हौंव। पौरौ जोबै पौरमेशवरे अब्राहम आरी वादा कौरा तौ तैणै कोसी बिचोलिया का इस्तैमाल ना कौरी, जिथुकै पौरमेशवर ऐक औसौ।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

गलातियौं 6:15

जिथुकै ना खतना औरौ ना खतनारहित किछै माइनै ना राखौ, पौरौ पौरमेशवर कै दवारा ऐक नौवाँ आदमी बाणै जाणा ही माइनै राखौ।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

1 तीमुथियुस 2:5

जिथुकै सिरफ ऐकैई पौरमेशवर औसौ, औरौ सिरफ ऐकैई आदमी औसौ जू पौरमेशवर औरौ लोगौ कै बीच मुंजी मैल मिलाप कौरवाए सौकौ यानी सै यीशु मसीह औसौ, जू ऐक आदमी कै रुप दा पौयदा हौआ।