रोमियों 3:27 - सिरमौरी नौवाँ नियम

²⁷ तौ ऐबै आमै कियों बातौ पांदी घमण्‍ड कौरु? तिथका तौ कुणजाई मतलब ना आथी। कुणजै नियमौ की बौजैह शै? का अमारै मूसा कै कानून का पालन कौरणौ शै? ना, पौरौ यीशु मसीह पांदी बिशवाश कौरणौ की बौजैह शै।

Sirmouri

²⁷ तअ तारीफ करणा केथै रूआ? तिन्दें की तअ जागा ही ने आथी। कोसी निय्म के जाणें कियों कर्म कर्णो के निय्म लई? ना! परह् सिर्फ बिश्वाष के निय्म के जाँणें।

रोमियों 3:27 ပူးပေါင်းရင်းမြစ်များ

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

रोमियों 10:5

जिथुकै पवित्र शास्त्र दै मूसा कै कानून धार्मिकता कै बारै मुंजी बौल़ौ: “जू आदमी मूसा कै कानून का पालन कौरौ, सै मूसा कै कानून लैई जियुंदी रौंदा।”

रोमियों 11:6

पौरमेशवर का तिनु चुणणा अनुग्रह लैई हौए रौआ, ऐजौ भले कामौ खै कौरणौ कै दवारा ना होई रैई। पौरौ जै कामौ कै दवारा औसौ, तौ अनुग्रह तोबै अनुग्रह ना रोई।

रोमियों 2:17

जिथुकै तू आपी कै यहूदी आदमी बौल़ै, औरौ मूसा कै कानून पांदी भोरोशा राखै, औरौ घमण्‍ड कौरे कै तू पौरमेशवर का खास आदमी औसौ।

रोमियों 2:23

तुऔं कैई मूसा कै कानून हौणौ का घमण्‍ड औसौ, औरौ मूसा कै कानून तौड़ेयो का तुऐं पौरमेशवर का अनादर कौरौ?

रोमियों 3:19

आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

रोमियों 4:2

जिथुकै जै अब्राहम आछै कामौ लैई धरमी ठोहराया जांदा, तौ तैसीकै घमण्‍ड कौरणौ कै बौजैह हौंदै, पौरौ सै आपणै आछै कामौ की बौजैह शै पौरमेशवर कै सामणै घमण्‍ड ना कौरे सौकौ।

रोमियों 7:21

तौ हांव ऐजै नियम पोऊँ कै जोबै भोलाए कौरणौ कै इछा कौरु, तौ हांव सैजौ कौरु जू बुरु औसौ।

रोमियों 7:23

पौरौ मैरै आपणै शोरीर कै अंगो दै औकै भान्त कै नियम दैखियौं, मैरा मन जिनु नियम कै सोही मानौ, तिनु नियम कै खिलाफ मैरा शोरीर लोड़ो औरौ ऐजै नियम मुखै पाप का कैदी बाणौ, औरौ पाप जू मैरै शोरीर दा काम कौरौ।

रोमियों 7:25

हांव पौरमेशवर का धन्यवाद कौरु जैणै यीशु मसीह कै दवारा मुखै बौचौऊंवा, इथकारिए हांव आपणी बुध्दि लैई तौ पौरमेशवर कै नियम का, पौरौ शोरीर लैई पाप कै नियम कै सेवा कौरु।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

रोमियों 9:11

तिनकै पौयदा हौणौ शै आगैई तिनुऐ ना तौ आछौ औरौ ना बुरु कौरे रैई थी पौरौ पौरमेशवरे रिबका कै आगैई बौल़ै राए थियु कै तैरा बौड़ा बैटा नानड़ै कै सेवा कौरदा। प्रभुए ऐजौ दिखाणौ कारिए बौल़ौ कै सै आपणी पसंद खुद बाणौ औरौ ऐजौ कोसी बै काम की बौजैह शै ना थी जू तिनुऐ कौरौ।

रोमियों 9:31

पौरौ इस्राएल देश कै लोग, मूसा कै कानून मानैयौ पौरमेशवर कै साथै धरमी साबित हौणा चांव, पौरौ सै धरमी बौणणौ मुंजी सफल ना होई।

रोमियों 9:32

ऐजौ कैशैकै हौए सौकौ? इथकारिए कै सै बिशवाश शै नी, पौरौ भले कामौ लैई पौरमेशवर कै साथै धरमी साबित हौवे। तिनुऐ मसीह कै ठुकरोऊवा जैसकै तुलना तैसी पाथरो कै साथै कौरे राए जू लोगौ कै ठोकर खियांव।

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 3:22

पौरौ पवित्र शास्त्र आमु बौतांव कै, पूरी दुनिया पाप कै अधीन औसौ। इथकारिए जू कुणिए यीशु मसीह पांदी बिशवाश कौरौ, पौरमेशवर का वादा तिनु लोगौ कै ही भैटदा।