रोमियों 3:21 - सिरमौरी नौवाँ नियम

²¹ पौरौ ऐबै मूसा कै कानून कै सौबी नियमौ का पालन बिना कौरे पौरमेशवर आमु आपणै साथै सोही साबित कौरौ। मूसा कै कानून दै औरौ पौरमेशवर कै बातौ बौताणौवाल़ै कै किताब दु लैखै राए कै कैशैकै आमु पौरमेशवर कै दवारा धरमी बाणै गौवै।

Sirmouri

²¹ परह् ऐबे ऋषी-मूसा खे भेटे गुऐं निय्म के पाल़्ण कर्णो के बिना पंणमिश्वर के नंजरी दें केशे दाँई बै-कसूर बणीं ज़ाँव, हेभी सेजी बात पर्गट हऐ रंऐ, जिन्दें की गुवाऐ-शाज़्त निय्मों अरह् ऋषियों के जाणें देऐ गऐ,

रोमियों 3:21 ပူးပေါင်းရင်းမြစ်များ

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 1:45

फिलिप्‍पुसे नतनएल आरी भैटेयो तैसीखै बौल़ौ, “आमु कै सैजा आदमी भैटी गौआ, जैसकै बारै मुंजी मूसा कै कानून दो औरौ पौरमेशवर कै बातौ बौताणौवाल़ै लैखै राए। सै यूसुफ का बैटा यीशु औसौ जू नासरत गांव शै औसौ।”

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

प्रेरितो कै काम 15:11

ऐशै कौरणौ ठीक ना आथी, पौरौ अमारा बिशवाश तौ ऐजा औसौ कै जैशणै ढंग शै सैजै प्रभु यीशु कै अनुग्रह शै उध्दार पांदै, तैशैखैई आमु बै पांदै, ना कै मूसा कै कानून का पालन कौरेयौ।

प्रेरितो कै काम 26:22

पौरौ पौरमेशवर कै मौदद लैई हांव ऐलो तौड़ी बोणेयोंदा औसौ, औरौ नानड़ै-बौड़ै सौबी कै सामणै गवाही दियु। औरौ हांव इनु बातौ खै छोड़ेयौ कै किछै ना बुलू, जू पौरमेशवर कै बातौ बौताणौवाल़ै औरौ मूसाए बै बौल़ै की हौणौवाल़ी औसौ,

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

रोमियों 1:17

जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

रोमियों 1:2

पवित्र शास्त्र दु पौरमेशवरे, पौरमेशवर कै बातौ बौताणौवाल़ै लैई ऐसी सुसमाचार कै बौताणौ का वादा कौरे राए थिया।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

रोमियों 3:28

इथकारिए आमै जाणुए कै पौरमेशवरे आमु यीशु मसीह पांदी बिशवाश कौरणौ शै धरमी साबित कौरे राए, ना कै मूसा कै कानून कै मानणौ शै।

रोमियों 5:19

जिथुकै जैशै ऐक आदमी कै आज्ञा ना मानणौ लैई बौहितै लोग पापी ठौहरौ, तैशैखैई ऐक आदमी कै आज्ञा मानणौ लैई बौहितै लोग धरमी साबित कौरे जांदै।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 9:30

तौ आमै इनु बातौ कै बारै मुंजी का बुलू? बैगानै यहूदी लोग आपी खै पौरमेशवर कै साथै सोही राखणौ कै कौचिश ना कौरौ थिए, पौरौ पौरमेशवरे तिनु खुद कै साथै सोही राखै जिथुकै तिनुऐ तैसी पांदी भोरोशा कौरे राए थिया। पौरमेशवरे तिनु बिशवाश कै दवारा धरमी साबित कौरे;

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

2 कुरिन्थियों 3:9

जिथुकै जोबै दोषी ठौहराणौवाल़ी कौरार झमाकैदार थै, तौ नोऐं कौरार जू आमु पौरमेशवर कै सामणै धरमी बाणौ हौजौ बै झमाकैदार किथु ना हौंदै?

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

गलातियौं 5:5

हांव ऐशै बौल़ै सौकु जिथुकै आमु पवित्र आत्मा पोरे आशा दियांव कै पौरमेशवर आमु धरमी कै रुप दै अपनाए राए जिथुकै आमै मसीह पांदी बिशवाश कौरु।

फिलिप्पियों 3:9

औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

1 पतरस 1:10

ऐजी मोक्ति ऐशणै थै जिथकै बारै मुंजी पौरमेशवर कै बातौ बौताणौवाल़ै हौजौ जादा जाणणौ चांव थिए। तिनुऐ बौतौऊं कै कैशै पौरमेशवर तुऔं बौचाणौ कारिए तोंवारै खातिर दयालु तरीको शै काम कौरदा जिथकै तुऐं लायक ना आथी। तिनुऐ जोवाब खै जूणौ कारिए सावधानी शै जांच कौरे औरौ शिखाणौ कै बैजाए कौचिश कौरे।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।