रोमियों 3:20 - सिरमौरी नौवाँ नियम

²⁰ मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

Sirmouri

²⁰ किन्देंखे के ऋषी-मूसा खे भेटे गुऐं निय्म के पाल़्ण कर्णो शे कुँऐं भे आदमी पंणमिश्वर की नंजरी दा बै-कसूर ने बंणी सक्दा। ईन्देखे के निय्म के जाँणें पाप की पह्‌छ़याण हों।

रोमियों 3:20 ပူးပေါင်းရင်းမြစ်များ

प्रेरितो कै काम 13:39

औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

रोमियों 2:13

जिथुकै पौरमेशवर कै नोज़रो दै धरमी सैजै ना आथी जू मूसा कै कानून कै शुणणौवाल़ै औसौ पौरौ धरमी सैजै औसौ, जू मूसा कै कानून का पालन कौरणौवाल़ै औसौ।

रोमियों 3:28

इथकारिए आमै जाणुए कै पौरमेशवरे आमु यीशु मसीह पांदी बिशवाश कौरणौ शै धरमी साबित कौरे राए, ना कै मूसा कै कानून कै मानणौ शै।

रोमियों 4:13

पौरमेशवरे अब्राहम औरौ तैसकी आणौवाल़ी पीढ़ी शै वादा कौरा कै सै तिनु इयौं दुनिया कै वारिस बाणदा। ऐजा वादा इथकारिए ना कौरे रैई थी जिथुकै अब्राहमै मूसा कै कानून का पालन कौरे राए थिया, पौरौ पौरमेशवर दा तैसकै बिशवाश की बौजैह शै तैसी धरमी साबित कौरा।

रोमियों 4:15

मूसा कै कानून ना मानणोवाल़ौ पांदी पौरमेशवर गुस्सा हौंव, औरौ जिथै मूसा कै कानून ना आथी तौ तिथै तिथकै टाल़मटाल़ी बै ना आथी।

रोमियों 5:13

पौरमेशवर कै दवारा मूसा कै कानून दैय जाणौ दै आगै बै पाप दुनिया दा थिया। पौरौ ऐसी पाप कै पाप ना गिणी जिथुकै इबी तौड़ी टाल़मटाल़ी कारिए कुणजैई बै मूसा कै कानून दैय ना रैई थी।

रोमियों 5:20

मूसा कै कानून इथकारिए दैय राए ताकि सौबै लोग दैखै सौकौ कै सै कैतरै पापी थिए। पौरौ जोबै लोगै जादा शै जादा पाप कौरे, तिथै पौरमेशवरे जू अनुग्रह दिखोऊवा सै जादा शै जादा हौआ।

रोमियों 7:11

जिथुकै पापै इयौं आज्ञा का इस्तैमाल कौरेयौ मुखै धौखा दिया, औरौ तिथकै दवारा हांव पौरमेशवर शै दूर हौए गौआ।

रोमियों 9:32

ऐजौ कैशैकै हौए सौकौ? इथकारिए कै सै बिशवाश शै नी, पौरौ भले कामौ लैई पौरमेशवर कै साथै धरमी साबित हौवे। तिनुऐ मसीह कै ठुकरोऊवा जैसकै तुलना तैसी पाथरो कै साथै कौरे राए जू लोगौ कै ठोकर खियांव।

1 कुरिन्थियों 15:56

जिथुकै पाप ऐशणा डंक औसौ जिथका नतीजा मौत हौं, औरौ मूसा कै कानून पापौ कै बौढ़णौ कारिए शौकतै दैंव।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 2:19

जोबै मोऐं मूसा कै कानून का पालन कौरणौ कै कौचिश कौरे, तौ मूसा कै कानूनै मुखै दोषी ठैहरोऊवा। इथकारिए मानौ कै हांव मूसा कै कानून कारिए मौरे गौआ ताकि हांव पौरमेशवर कारिए जी सौकु।

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

इब्रानियों 7:19

इथकारिए मूसा कै कानून कोसी बात खै सिध्द ना कौरी, औरौ तिनु कानून कै ठाँव पांदी आमु ऐक ऐशणै आछी आशा औसौ, जू यीशु मसीह दी औसौ, जिथकै दवारा आमु पौरमेशवर कै नेड़िक जाए सौकु।