रोमियों 3:19 - सिरमौरी नौवाँ नियम

¹⁹ आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

Sirmouri

¹⁹ आँमें जाँणो, के ऋषी-मूसा खे भेटे गुऐं निय्म जू किऐ बुलो ऐ, से यहूदी लोगो खे ही बुलो, जुण्जे ऋषी-मूसा के निय्म के बष दे असो; ईन्देंखे के ईन्दो कुँऐं किऐ ने बुली सक्दें, अरह् बादी संईसारी पंणमिश्वर की सजा ज़ूगी बंणी गऐ;

रोमियों 3:19 ပူးပေါင်းရင်းမြစ်များ

यूहन्ना 15:25

औरौ ऐजौ इथकारिए हौ, कै जू तिनकै पवित्र शास्त्र दो लैखै राए, सैजौ पूरु हौंव, ‘तिनुऐ बिना बौजैह शै मुं आरी बोयर कौरा।’

यूहन्ना 8:9

पौरौ तिनु लोगै यीशु कै बात शोणेयो ऐजौ जाणै पोऊ कै आमु सौबै पापी औसौ औरौ सौब लोग नानड़ै शै बौड़ै तौड़ी ऐक-ऐक कौरेयौ आगु हौटै औरौ यीशु तियौं बैटमाणिशौ आरी इकली रौए गौआ जू इबी बै तिथैशै खौड़ै थी,

रोमियों 1:20

आमै बिना पौरमेशवर कै सौदा कै अनौखी शौकतै औरौ गुणो कै ना दैखै सौकौ। पौरौ इनु बातौ कै पौरमेशवरे दुनिया कै शुरुआत शै, आपणी बाणैयौंदी सौबी चीज़ौ कै दवारा दिखाए राए। इथकारिए तिनु लोगौ कैंई ऐजौ बौलणौ कारिए कुणजाई भाना ना आथी कै सै पौरमेशवर कै ना जाणौ।

रोमियों 3:2

ऐक यहूदी हौणौ कै बैजाए फायदै औसौ। सौबदै खास बात ऐजी औसौ कै, पौरमेशवर कै वचन यहूदी लोगौ खै सौंपै राए।

रोमियों 3:23

इथकारिए सौबीए पाप कौरे राए औरौ पौरमेशवर कै तियौं महिमा शै दूर औसौ जू सै दैणै चांव,

रोमियों 3:4

ना! बिल्कुल नी! यानी पौरमेशवर सौदा साचौ बौल़ौ औरौ हरेक आदमी झूठा ठौहरौ, जैशैकै पवित्र शास्त्र पौरमेशवर कै बारै मुंजी बौल़ौए, “जिथलैई तू आपणी बातौ दा धरमी ठोहरदा औरौ न्याय कौरदै सौमय तू जय पाला।”

रोमियों 3:9

आमै का बौल़ै सौकु? का आमै यहूदी लोग, गैर यहूदी लोगौ शै आछोड़ै औसौ? ना! बिल्कुल नी! जिथुकै आमै यहूदी लोगौ औरौ बैगानै यहूदी लोगौ दुईनै पांदी ऐजा दोष लाए राए कै सै सौब कै सौब पापौ की शौकतै कै हवाले औसौ।

1 कुरिन्थियों 1:29

पौरमेशवरे ऐशै इथकारिए कौरौ ताकि कुणिए बै प्राणी पौरमेशवर कै सामणै घमण्‍ड नै कौरे सौकौ।

गलातियौं 3:10

पौरौ मूसा कै कानून दौ लैखै राए कै जू कुणिए बै सौबी नियमौ खै ना मानौ सैजै पौरमेशवर कै शराप कै खिलाफ औसौ। इथकारिए तिनु सौबी लोगौ पांदी शराप आए गौआ जू इनु कानून का पालन कौरेयौ पौरमेशवर कै सामणै धरमी बौणणौ कै कौचिश कौरौ। जिथुकै कुणिए बै तिनु कानूनो कै पूरी तरह शै हर सौमय पालन ना कौरे सौकौ।

गलातियौं 4:21

औरौ तुऐं जू मूसा कै कानून कै अधीन हौणा चांव! मैरै बात शुणौ! हांव तुऔं बौतांदा कै पवित्र शास्त्र दौ, मूसा कै कानून कै किताब दो का लैखै राए।

गलातियौं 4:5

ताकि सै आमु आज़ाद कौरे सौकौ, जू मूसा कै कानून कै अधीन रौंव थिए। औरौ तैणै आमु आपणै ही नानड़िया कै रुप दै गोद लौए राए।

गलातियौं 5:18

पौरौ जै तुऐं पवित्र आत्मा कै काबू दै हौयौ चालौ तौ मूसा कै कानून कै अधीन ना रौं।