रोमियों 3:11 - सिरमौरी नौवाँ नियम

¹¹ ऐशणा ऐक बै आदमी ना आथी जू सौथी कै सौमझौए कै का सोही औसौ; कुणिए बै पौरमेशवर कै ना जाणणा चांव।

Sirmouri

¹¹ कुँऐं भे सम्झदार ने आथी; कुऐं भे पंणमिश्वर की खोज कर्णो वाल़ा ने आथी।

रोमियों 3:11 ပူးပေါင်းရင်းမြစ်များ

मत्ती 13:19

जू कुणिए पौरमेशवर कै राज्य का वचन शोणेयो ना सौमझौ, औरौ जू किछै तैसकै मन दो बौए राए थियु तिथु दुष्ट शैतान आयौ चुराएयो लौए जांव; ऐजौ सैजौई औसौ जू बाटो कै मियाल़ो पुंडु बौए राए थियु।

रोमियों 1:22

सैजै लोग आपी कै बुध्दिमान जतायो मूर्ख बौणै गौवै,

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

रोमियों 3:10

जैशैकै पवित्र शास्त्र बौल़ौ “पौरमेशवर कै नज़र दै कुणिए बै धरमी ना आथी, ऐक बै ना आथी।

रोमियों 3:12

तिनुऐ पौरमेशवर कै छोड़े दिया, सौब कै सौब पौरमेशवर कारिए निकम्मे बौणै गौवै; कुणिए भोलाए कौरणौवाल़ा ना आथी, ऐक बै ना आथी।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।