रोमियों 3:10 - सिरमौरी नौवाँ नियम

¹⁰ जैशैकै पवित्र शास्त्र बौल़ौ “पौरमेशवर कै नज़र दै कुणिए बै धरमी ना आथी, ऐक बै ना आथी।

Sirmouri

¹⁰ जेष्णों पबित्र-ग्रन्थों दो लिखी थो: “कुँऐं भे पंणमिश्वर की नंजर दे बै-कसूर ने आथी; ऐक भे आथी ने।

रोमियों 3:10 ပူးပေါင်းရင်းမြစ်များ

मत्ती 15:19

जिथुखै आदमी कै मनो शै बुरै-बुरै विचार, गौलत तरीकै शै सौमबंध बौणाणै, चोरी कौरणा, हत्या कौरणा, नाजायज सौमबंध राखणै, झूठी गवाही औरौ नेंदैया कौरणा ही निकल़ौ।

मरकुस 10:18

यीशुए तैसीखै बौल़ौ, “तू मुखै आछा गुरु किथुखै मानै? कुणिए आछा ना आथी, सिरफ पौरमेशवर ही आछा औसौ।

रोमियों 11:8

पौरमेशवर कै बातौ बौताणौवाल़ै यशायाह कै दवारा पवित्र शास्त्र दो बौल़ै राए, “पौरमेशवरे तिनु ऐलो कै दूसौ तौड़ी सुस्त दिमाक दैय राए, सैजै दैखदै बैई बै ना दैखौ, औरौ शुणौ तौ औसौ पौरौ किछै बै ना सौमझौ।”

रोमियों 3:11

ऐशणा ऐक बै आदमी ना आथी जू सौथी कै सौमझौए कै का सोही औसौ; कुणिए बै पौरमेशवर कै ना जाणणा चांव।

रोमियों 3:23

इथकारिए सौबीए पाप कौरे राए औरौ पौरमेशवर कै तियौं महिमा शै दूर औसौ जू सै दैणै चांव,

रोमियों 3:4

ना! बिल्कुल नी! यानी पौरमेशवर सौदा साचौ बौल़ौ औरौ हरेक आदमी झूठा ठौहरौ, जैशैकै पवित्र शास्त्र पौरमेशवर कै बारै मुंजी बौल़ौए, “जिथलैई तू आपणी बातौ दा धरमी ठोहरदा औरौ न्याय कौरदै सौमय तू जय पाला।”

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

1 पतरस 1:16

जिथुकै पवित्र शास्त्र दो ऐजौ लैखै राए, “तुऔं पवित्र हौणौ चैंई जिथुकै हांव पवित्र औसौ।”

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।