रोमियों 2:7 - सिरमौरी नौवाँ नियम

⁷ जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

Sirmouri

⁷ जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

रोमियों 2:7 ပူးပေါင်းရင်းမြစ်များ

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

लूका 21:19

आपणै भोरोशे कौरणौ शै तुऐं आपणै जिन्दगी कै बौचायौ राखदै।”

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

यूहन्ना 4:36

औरौ फसल काटणौ वाल़ै आगै ही काम कौरे लौआ, औरौ आपणै धियाड़ी पाए लोए, औरौ सै ऐजौ औसौ, कै तिनुऐ तिनु लोगौ कै कौठै कौरे लौवै जू सौदा कै जिन्दगी पालै, कै बौणौवाल़ा औरौ काटणौवाल़ा दुईनै खोशे मौनालै।

यूहन्ना 5:44

तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

रोमियों 2:10

पौरौ महिमा औरौ आदर औरौ शान्तै हरेक आदमी कै भैटदी, जू भला कौरौ, पौरमेशवर सौबीदै आगै यहूदी लोगौ खै दैंदा औरौ तोबै तिनुकै जू बैगानै यहूदी औसौ।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

रोमियों 8:18

हांव निशोंक हौयौ जाणु कै जू दुख औरौ कौल़ेश आमुए सैहन कौरे लौवै, सैजी महिमा जू पौरमेशवर आमु दैंदा लागै रौआ, तियौं महिमा कै आगै ऐजै दुख किछै बै ना आथी।

1 कुरिन्थियों 15:42

तौ ऐशैखैई मौरेयौंदे लोगौ कै औटेयौ मौरेयौंदे मुंजीदा जियुंदी हौणौ हौंदौ। जैसी शोरीर खै सै दफनांव, सैजाई ऐशणा शोरीर औसौ जू शोड़े जांव, पौरौ जोबै ऐजा शोरीर औटेयौ जियुंदी हौला तौ ऐजा ऐक ऐशणा शोरीर हौंदा जू शोड़े ना सौकौ।

1 कुरिन्थियों 15:50

ओए रै बिशवाशी भाईयों, इयौं धोरती पांदी अमारै शोरीर मांस औरौ लोऊ लैई बौणै रौवै; आमु स्वर्ग दै पौरमेशवर कै राज्य दै आपणै ऐसी शोरीर कै साथै ना रौए पांदै जू मौरे सौकौ, जिथुकै तिथै कुणजै मौत ना आथी।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

गलातियौं 6:9

आमु भले काम कौरणौ दै पाछु ना रौं तौ जै आमै कौलोंई हार ना मानु, तौ पौरमेशवर शै आपणै सौमय पांदी इनाम पांदै।

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

2 तीमुथियुस 1:10

पौरौ ऐबै अमारा उध्दारकर्ता यीशु मसीह आए गौआ, औरौ आमु पांदी आपणा अनुग्रह कौरा तैणै मौत की शौकतै कै हराए दै, औरौ आमु कै दिखोऊ कै सुसमाचार कै जरिए सौदा कै जिन्दगी कारिए ऐक बाट दिखाए राए।

इब्रानियों 2:7

तोऐं यीशु खै स्‍वर्गदूतौ शै कम शौकतीशाली कौरा औरौ तोऐं तैसी ऐकी राजा कै जैशणा महिमा औरौ आदर दिया औरौ आपणी सौबै चीज़ौ तैसकै अधीन कौरे दी।

इब्रानियों 6:15

अब्राहमै सब्र राखैयौ लाम्बै सौमय तौड़ी इंतजार कौरा। तोबै तैसी सैजौ भैटौ जिथका वादा पौरमेशवरे कौरे राए थिया।

1 यूहन्ना 2:25

औरौ पौरमेशवरे आमुआरी वादा कौरे राए कै सै आमु सौदा कै जिन्दगी दैंदा।