रोमियों 2:5 - सिरमौरी नौवाँ नियम

⁵ पौरौ जिथुकै तुऐं जिद्दी औसौ औरौ पश्‍चाताप कौरणौ शै मना कौरौ, इथकारिए पौरमेशवर तुऔं कड़ी सौजा दैन्दा। जिथुकै सैजौ दूस आन्दौ लागै रौ, जौल़ौ पौरमेशवर आपणा गुस्सा दिखाला औरौ आपणा साचा न्याय प्रगट कौरला।

Sirmouri

⁵ परह् तू जाँणी-बुझियों आप्णा मंन जीद्दी-कठूर करे, जिन्दे लई, तू पंणमिश्वर के कुरूध् के देसो खे, जिन्दा पंणमिश्वर का साचा नियाँव पर्गट हंदा, तुँऐं आपु खे पाप कमाऐ लुवा।

रोमियों 2:5 ပူးပေါင်းရင်းမြစ်များ

रोमियों 1:18

पौरमेशवर का गुस्सा तौ स्वर्ग पौरैशा तिनु लोगौ की सौबी बुराई औरौ अधरम कै कामौ पांदी प्रगट हौंव, जू आपणै बुरै कामौ कै दवारा लोगौ खै पौरमेशवर कै बारै मुंजी जाणणौ शै रौकौए।

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।

रोमियों 9:22

पौरमेशवर कै औधिकार औसौ कै जिनु लोगौ कै पौरमेशवरे बाणै राए तिनकै साथै सै किछै बै कौरे सौकौ। पौरमेशवर आपणा गुस्सा दिखाणा चांव थिया औरौ सौबी कै साथै आपणी शौकतै प्रगट कौरणै चांव थिया जू नाश हौणौ कै हकदार औसौ। इथकै बजाय, तैणै ऐशै कौरौ जिथुकै सै दिखाणौ चांव थिया कै सै कैतरा महान औसौ जोबै तैणै तिनु लोगौ पांदी दया कौरे जिनु तैणै आपणी महिमा दै शामिल हौणौ कै चोणे राए।

2 कुरिन्थियों 5:10

जिथुकै जौरुरी औसौ, कै आमु सौबी का मसीह कै दवारा न्याय हौंदा, कै हरेक आदमी आपणै-आपणै भले बुरै कामौ का जू तैणै शोरीरो कै दवारा कौरे राए, तिथका बौदला पांव।

2 थिस्सलुनीकियों 1:5

औरौ पौरमेशवर ऐसी सताव का इस्तैमाल आपणै न्याय खै दिखाणौ कारिए औरौ तुऔं आपणै राज्य कै लायक बाणणौ कारिए कौरदा, जैसी कारिए तुऐं दुख बै उठाए राए।

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

इब्रानियों 3:15

जैशैकै पवित्र शास्त्र दो लैखै राव, “जै ऐलो तुऐं पौरमेशवर कै आवाज़ शुणौ, तौ तैसकी आज्ञा मानणौ शै मोना नै कौरौ, जैशै तोंवारै पुराणियाए परीक्षा कै सौमय पौरमेशवर कै खिलाफ विद्रोह कौरे राए थिया।”

इब्रानियों 4:7

इथकारिए पौरमेशवरे आपणै विशांव कै ठाँव पांदी भैजणौ कारिए ओका सौमय तय कौरा, औरौ सैजा सौमय ऐलो औसौ। कैईंयौं सालो कै बाद तैणै दाऊदो लैई इनु वचन कै घोषणा कौरवाए, जू ऐलो कै सौमय शै हज़ारो साल आगैई बौल़ै राए थिए: “जै ऐलो तुऐं पौरमेशवर कै आवाज़ शुणौ, तौ तैसकै आवाज़ शुणणौ शै मोना नै कौरौ।”

याकूब 5:3

तोंवारै सूनै-चांदी दा जर लागै गौआ, औरौ जोबै पौरमेशवर तोंवारा न्याय कौरदा, तोबै ऐजा जर तोंवारै खिलाफ ऐक गवाह कै जैशणा हौंदा, औरौ ऐजा जर तोंवारै शोरीर कै आग कै जैशणा जोल़ाए दैंदा। ऐजा आखरी जुग का अन्त औसौ औरौ तुऐं लोगै धन का ढैर लाए राए।

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।

2 पतरस 3:7

जैशैकै पौरमेशवरे धोरती कै बाणणौ कै आज्ञा दैय राए थी, तैशैखैई तैणै आज्ञा दी कै इबी दुनिया तांव तौड़ी बौणैयौंदे रौंव जांव तौड़ी सै तिनु आगै लैई जोल़ाए ना दैंव तैणै तिनु तैसी दूसौ तौड़ी राखै राए जौल़ौ सै सौबी लोगौ का न्याय कौरला औरौ तिनु लोगौ का नाश कौरे दैन्दा जू तैसकै इज्जत ना कौरौ।

यहूदा 1:6

याद कौरौ कै प्रभुए तिनु स्‍वर्गदूतौ खै कैशै सौजा दै, जिनुवै आपणै औधिकार कै ना निभैई, पौरौ तिनुऐ आपणै ठाँव कै छोड़े दियै। प्रभुए इनु स्‍वर्गदूतौ खै इनारै कै ठाँव पांदी राखै राए, औरौ ऐशणी शांगुल़ी लैई बानै राए जियौं कुणिए ना तौड़ै सौकौ ताकि महान दूसौ पांदी तिनका न्याय हौए सौकौ।

प्रकाशितवाक्य 2:21

मोऐं तियौं बैटमाणिशौ इजेबेल कै पाप कौरणै छोड़े दैणौ का मौका दिया, पौरौ सै तिनु बुरै कामौ खै बंद कौरणौ शै मना कौरौ।

प्रकाशितवाक्य 6:17

जिथुकै सैजौ खतरनाक दूस आए गौ जोबै पौरमेशवर औरौ मेम्‍ना सौबी कै सौजा दैंदा, औरौ कुणिए बै ऐसी सौजा शै बौचै ना पांदै।”