रोमियों 2:4 - सिरमौरी नौवाँ नियम

⁴ का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

Sirmouri

⁴ कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

रोमियों 2:4 ပူးပေါင်းရင်းမြစ်များ

रोमियों 10:12

यहूदी औरौ बैगानै यहूदी लोगौ मुंजी किछै भैद ना आथी, इथकारिए कै पौरमेशवर सौबी का प्रभु औसौ औरौ सै आपणै सौबी लोगौ खै बौचांव, जू तैसीकै मौदद कारिए पुकारौ।

रोमियों 11:22

इथकारिए पौरमेशवर कै दया औरौ सख्ताई पांदी ध्यान दैंव! जू बिशवाश शै भौटकै! तिनु पांदी सख्ताई, पौरौ तुऔं पांदी दया हौए रौए, तुऐं तैसकै दया दै बौणैयौंदे रौव, नही, तौ काटैयौ जौई कौरे दियै जालै।

रोमियों 11:33

आहा, पौरमेशवर कै अनुग्रह का धन औरौ बुध्‍दि औरौ ज्ञान कैतरै गंभीर औसौ! कुणिए बै तैसकै फोयसलै कै बखान ना कौरे सौकौ; औरौ ना ही कुणिए तैसकै बाटो कै जाणै सौकौ!

रोमियों 3:25

पौरमेशवरे मसीह कै बलिदान कै रुप दा भैजा, मसीहे आपणा लोऊ बौऊवा, इथकारिए मसीह पांदी बिशवाश कै दवारा आमै पौरमेशवर कै धोरे आए सौकु, औरौ पौरमेशवरे ऐजौ इथकारिए कौरौ ताकि सै ऐजौ दिखाए सौकौ कै पुराणै सौमय दौ तैणै सोही कौरौ जोबै तैणै पापी लोगौ कै माफ कौरणौ दा सब्र दिखोऊवा। औरौ ऐजी बातौ ऐजौ दिखांव कै पौरमेशवर सोही औसौ जोबै सै यीशु पांदी बिशवाश कौरणौवाल़ै खै अपनांव।

रोमियों 6:1

तौ आमै का बुलू? पौरमेशवर आपणै अनुग्रह की बौजैह शै अमारै पापौ कै माफ कौरौ। पौरौ आमु ऐशै नी सुंचणौ चैंई, चालौ आमै पाप कौरदै रोऊं कै अनुग्रह बैजाए हौंव।

रोमियों 6:15

तौ का हु? जिथुकै आमै मूसा कै कानून कै अधीन नी, पौरौ पौरमेशवर कै अनुग्रह कै अधीन औसौ, इथकारिए आमु पाप नी कौरणै चैंई।

2 कुरिन्थियों 8:2

कै जोबै बैजाए पौरैशानी लैई तिनकै परीक्षा कौरे गौए, तौ सै बौहितै खुशी हुवे औरौ जोबै कै सै बौहितै गरीब थिए तोबै बै तिनुऐ ओकी बिशवाशियौं कै मौदद कौरणौ कारिए दया शै धन दियु।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 2:4

पौरौ पौरमेशवर बैजाए दयालु औसौ; आपणै तैसी बौड़ै प्यार की बौजैह शै तैणै आमुआरी प्यार कौरा,

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

इफिसियों 3:16

हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

फिलिप्पियों 4:19

औरौ मैरा पौरमेशवर बै आपणै तैसी धन कै हिसाब शै जू महिमा सहित मसीह यीशु दै औसौ, तोंवारै हरेक जौरुरत कै पूरै कौरदा।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

1 तीमुथियुस 1:16

पौरौ मसीह यीशुए मुंआरी दया दिखाए। मुखै माफ कौरा, मोऐं जैणै सौबी दै जादा पाप कौरे राए, इयौं बातौ लैई प्रभु ऐजौ दिखाणौ चांव कै सै कैतरा सहनशील औसौ। ऐजौ तिनु लोगौ कारिए ऐक उदारण हौंदा जू तैसी पांदी बिशवाश बाद मै कौरदै औरौ सौदा कै जिन्दगी पांदै।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

1 पतरस 3:20

ऐजी तिनु लोगौ की आत्माए थी जिनुवै बैजाए सौमय औगौड़ियौ पौरमेशवर कै आज्ञा ना मानी। जोबै नूहे आपणै जहाजो खै बाणै लौ थियु, तौ पौरमेशवर सब्र राखियो ठोल़नाए कौरे लौए थी कै दैखौ का सैजै लोग पाप कौरणा छोड़े दैंदै। पौरौ जोबै पाणीए दुनिया का नाश कौर दिया, तौ जहाजो दै रौणौवाल़ै सिरफ आठ लोग बौचाए गौवै थिए।

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।

2 पतरस 3:15

औरौ अमारै प्रभु कै सब्र खै ऐक मौकै कै रुप दा दैखौ जू तैणै तुऔं कै आणौवाल़ै न्याय शै बौचणौ कारिए दैय लौआ। ऐजौ पौलुसे बै, जू अमारा प्यारा साथी बिशवाशी औसौ, तुऔं ऐकी चिट्ठी दा तैसी ज्ञान का इस्तैमाल कौरदै बैई लिख राव थियु, जू पौरमेशवर तैसी दैंव।

2 पतरस 3:3

सौबी दै खास बात, तुऔं पौता हौणा चैंई कै मसीह पाछु आणौ दै आगै आखरी दूसौ दै ऐशणै लोग हौन्दै जू तोंवारा मजाक उड़ांदै जिथुकै तुऐं बिशवाश कौरौ कै मसीह औटेयौ पाछु आन्‍दा। सै आदत शै मजबूर हौयौ बुरै काम कौरदै जू तिनु खुश कौरौ।

2 पतरस 3:9

किछै लोग सुंचौए कै प्रभु आपणै पाछु आणौ कै वादै खै पूरा कौरणौ खै बैरियाए लौ, पौरौ प्रभुए तैशैखै ना बैरियाए लैई। पौरौ, तैणै तोंवारै साथै सब्र राखै राए। जिथुकै सै कोसी कै बै नाश ना कौरणै चांव। पौरौ चांव औसौ कै सौबै जोणे पाप कौरणै छोड़े दैंव औरौ गौलत काम कौरणै बंद कौरे दैंव औरौ तैसकै धोरे आए जांव।

प्रकाशितवाक्य 2:21

मोऐं तियौं बैटमाणिशौ इजेबेल कै पाप कौरणै छोड़े दैणौ का मौका दिया, पौरौ सै तिनु बुरै कामौ खै बंद कौरणौ शै मना कौरौ।

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।