रोमियों 2:20 - सिरमौरी नौवाँ नियम

²⁰ नासमझ कै शिखाणौ वाल़ै औसौ, औरौ नानड़िया कै उपदैशक औसौ। जिथुकै तुऔं कैई मूसा कै कानून औसौ तुऐं सौमझौ कै तुऐं सौबै ठुँ पूरु-पूरु जाणौए औरौ जू किछै तुऐं बौल़ौए सै एकदम साचौ औसौ।

Sirmouri

²⁰ अरह् बै-अकले-ज़ौग्रो का शिखाणों वाल़ा, अरह् बालकों खे शिक्क्षा देणों वाल़ा; अरह् ज्ञाँन, अरह् संचाई खे नंमूना, जू ऋषी-मूसा खे भेटे गुऐं निय्मो दा असो, से मुँखे भेटी रूआ।

रोमियों 2:20 ပူးပေါင်းရင်းမြစ်များ

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

रोमियों 2:19

तुऔं यकीन औसौ कै तुऐं ऐशणै लोग औसौ, जू आन्धै कै सोही बाट दिखांव, इनारै दै रौणौवाल़ै कारिए पेयाशो औसौ,

रोमियों 3:31

तौ का आमै मूसा कै कानून कै बिशवाश कै दवारा मिटाए दियु? ना! बिल्‍कुल नी! पौरौ आमुए तौ मूसा कै कानून कै तिथका सोही नतीजा दैय लौआ।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

1 कुरिन्थियों 3:1

ओए रै बिशवाशी भाईयों, जोबै हांव तोंवारै साथै थिया तोबै हांव तुऔं आरी तैशैखैई बात ना कौरे सौकु थिया जैशैखै हांव आत्मिक लोगौ शै कौरु, मुखै इयौं बातौ लैई तुऔं पौछेयाण कौराणै थै कै तुऐं इयौं दुनिया शै औसौ ‍‍‍औरौ तुऐं मसीह जीवन दै नानड़िया औसौ।

2 तीमुथियुस 1:13

मैरै दवारा शोणेयौंदी साची शिक्षा खै आदर्श बाणैयो पालन कौर। बिशवाश औरौ प्यार कै साथै ऐशै कौर जिथुकै तू मसीह यीशु कै साथै एकजुट औसौ।

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

इब्रानियों 5:13

जिथुकै दूध पिणौ वाल़ै तौ धरम कै काम कौरणौ कै बारै मुंजी पवित्र शास्त्र की शिक्षाओं औरौ पौरमेशवर कै सौंदेश खै ना जाणौ जिथुकै सै नानड़िया औसौ।

याकूब 3:1

ओए रै मैरै भाईटु, तुऔं मुंजीदै बौहितै लोग कलीसिया कै उपदैशक ना बौणौ, जिथुकै तुऐं जाणौए कै ओकी कै तुलना दा अमारा न्याय हौजौ बै जादा सख्ती शै हौंदा।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।