रोमियों 2:17 - सिरमौरी नौवाँ नियम

¹⁷ जिथुकै तू आपी कै यहूदी आदमी बौल़ै, औरौ मूसा कै कानून पांदी भोरोशा राखै, औरौ घमण्‍ड कौरे कै तू पौरमेशवर का खास आदमी औसौ।

Sirmouri

¹⁷ जे ताँव्खे यहूदी बुली, अरह् तू ऋषी-मूसा खे भेटे गुऐं निय्म दा भूर्षा थुवें, अरह् पंणमिश्वर के बारे दा तू तारीफ करे,

रोमियों 2:17 ပူးပေါင်းရင်းမြစ်များ

मत्ती 3:9

औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ। हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

लूका 10:28

तैणै तैसी बौल़ौ, “तुऐं ठीक जोवाब दैय राए, ऐजौई कौर, तौ ताखै सौदा का जीवन भैटला।”

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

यूहन्ना 5:45

ऐजौ नै सौमझौ कै हांव पिता पौरमेशवर खै सामणै तुऔं पांदी दोष लान्दा, मूसा जैसी पांदी तुऐं आपणी आश राखी राए, सैजाई तुऔं पांदी दोष लान्दा।

यूहन्ना 7:19

मूसा पौरमेशवर कै बातौ बौताणौवाल़ै तुऔं खै कानून दैय राए, तौ बै तुऔं मुंजीदा कुणिए कानून पांदी ना हांडो। तुऐं किथु मुखै मारणा चांव?”

यूहन्ना 8:33

तिनुऐ तैसीखै जवाब दिया, “आमै तौ अब्राहम कै वंशो कै औसौ, औरौ कौलोंई कोसी कै गुलाम ना होई, तोबै तू किथु बौल़ै, कै तुऐं आज़ाद हौए जांदै।”

यूहन्ना 8:41

तुऐं आपणै पिता पौरमेशवर कै साए टोल कौरौ।” तिनुऐ यीशु खै बौल़ौ, “आमै गौलत सौमबंध बाणैयौ पौयदा ना हौए रैई, अमारा सिरफ ऐकै पिता पौरमेशवर औसौ औरौ सै पौरमेशवर औसौ।”

रोमियों 2:23

तुऔं कैई मूसा कै कानून हौणौ का घमण्‍ड औसौ, औरौ मूसा कै कानून तौड़ेयो का तुऐं पौरमेशवर का अनादर कौरौ?

रोमियों 3:27

तौ ऐबै आमै कियों बातौ पांदी घमण्‍ड कौरु? तिथका तौ कुणजाई मतलब ना आथी। कुणजै नियमौ की बौजैह शै? का अमारै मूसा कै कानून का पालन कौरणौ शै? ना, पौरौ यीशु मसीह पांदी बिशवाश कौरणौ की बौजैह शै।

रोमियों 9:32

ऐजौ कैशैकै हौए सौकौ? इथकारिए कै सै बिशवाश शै नी, पौरौ भले कामौ लैई पौरमेशवर कै साथै धरमी साबित हौवे। तिनुऐ मसीह कै ठुकरोऊवा जैसकै तुलना तैसी पाथरो कै साथै कौरे राए जू लोगौ कै ठोकर खियांव।

2 कुरिन्थियों 11:22

का सैजै ही इब्रानी देश कै औसौ? हांव बै औसौए। का सैजै ही इस्राएल देश कै औसौ? हांव बै औसौए; का सैजै ही अब्राहम कै वंश औसौ? हांव बै औसौए।

गलातियौं 2:15

आमै जू जन्म कै यहूदी औसौ, औरौ सैजै नी जिनु यहूदी बैगानै पापी बौल़ौ।

इफिसियों 2:11

इयौं बौजैह शै, तुऐं जू बैगानै यहूदी पौयदा हौए रौवै थिए, याद कौरौ कै तुऐं आगै कैशणै थिए। यहूदी लोगै तुऔं ऐजौ बौलेयौ बैकार जाणौ कै तुऐं खतना ना कौरांव। पौरौ तिनका ऐजा भौवार सिरफ तिनकै शोरीर पांदी हौंव ना कै तिनकै मन दा।

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।

प्रकाशितवाक्य 3:1

सरदीस शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू सात तारै खै आपणै हाथौ दै लैयौ राखौ औरौ जू पौरमेशवर कै सात आत्माओं खै भैजौ, ऐजौ बौल़ौ कै, हांव तैरै कामौ खै जाणुए, कै तू मुं दा बिशवाश लायक बिशवाशी लागै तौ औसौ, पौरौ सौथीखै तू ऐबै मैरै पौछौड़ियौ ना चालै।

प्रकाशितवाक्य 3:9

हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ सौथीखै आथी नी, सै झूठु बौल़ौ, पौरौ सौथीखै सै तैसी गुट कै लोग औसौ जू शैतान का औसौ। हांव ऐशै कौरदा, कै सै आयौ तैरै सामणै रिड़दै, औरौ ऐजौ जाणै पांदै, कै मोऐं तांवआरी प्यार राखै राए।