रोमियों 2:14 - सिरमौरी नौवाँ नियम

¹⁴ तोबै बै जोबै बैगानै यहूदी लोग जिनुकैईं मूसा कै कानून ना आथी, स्‍वभाव ही शै मूसा कै कानून दै पाए जाणौवाल़ै कामौ मुंजीदै किछै कामौ कै कौरौए, तौ ऐजै मूसा कै कानून तिनुकैईं ना हौणौ शै बै सैजै लोग साबित कौरौ कै तिनुकैईं आपणै मनो दै मूसा कै कानून औसौ।

Sirmouri

¹⁴ तबे जू गऐर यहूदी लोग जिन कैई ऋषी-मूसा खे भेटे गुऐं निय्म ने आथी, से आप्णे सुभाव शे ही ऋषी-मूसा खे भेटे गुऐं निय्म की बातो दे ही चालो, तअ ऋषी-मूसा खे भेटे गुऐं निय्मो के बिना भे से आपु-आप्खे ऋषी-मूसा खे भेटे गुऐं निय्म असो।

रोमियों 2:14 ပူးပေါင်းရင်းမြစ်များ

प्रेरितो कै काम 10:35

यानी हर देश दा जू पौरमेशवर शै डौरौ औरौ धरम कै काम कौरौ सै तिनु अपनावंए।

प्रेरितो कै काम 14:16

तैणै बीतैयौंदे सौमय दै सौब देशो कै आपणै-आपणै बाटो पुंडे हांडणौ दियै।

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

रोमियों 1:32

सै तौ पौरमेशवर कै ऐजै नियमौ कै जाणौए कै ऐशणै-ऐशणै काम कौरणौवाल़ै मौत कै सौजा कै लायक औसौ, तौ बै ना सिरफ आपी ही ऐशणै काम कौरौ पौरौ ऐशणै काम कौरणौवाल़ै शै खुशी बै हौंव।

रोमियों 2:12

इथकारिए बैगानै यहूदी लोग जिनुकैईं मूसा कै कानून ना आथी, सै बिना कानून कै पौरमेशवर शै सौजा पांदै, औरौ यहूदी लोग, जिनुवै मूसा कै कानून पायौ पाप कौरा, तिनकी सौजा मूसा कै कानून कै हिसाब शै हौन्दी;

रोमियों 2:15

सैजै लोग दिखांव कै पौरमेशवर शै दैययौंदे मूसा कै कानून तिनकै दिलो दै लैखै राए, जिथुकै तिनका आपणा विवेक दिखांव कै तिनकै विचार या तौ तिनु पांदी दोष लांव या तिनुकै निर्दोष बौतांव।

रोमियों 2:27

औरौ जू आदमी शारीरिक रुप शै बिना खतना रौआ जै सै मूसा कै कानून का पालन कौरौ, तौ का तांव कैंई जू मूसा का कानून औसौ औरौ खतना कौरणौ कै बाद बै तू इथका पालन ना कौरे, तौ सै ताखै दोषी ना ठौहरांदा?

1 कुरिन्थियों 11:14

का कुदरती तरीकै शै बै तुऐं ना जाणौ? कै जै मर्द लाम्बै बाल़ राखौ, तौ तैसी कारिए शर्म कै बात औसौ।

1 कुरिन्थियों 9:21

तैशैखैई, जोबै हांव बैगानै यहूदी लोगौ कै साथै काम कौरु, तौ तैशैखै रोऊं जैशै सै रौंव, ताकि तिनु जीती सौकु। पौरौ मुखै पौता औसौ कै हांव पौरमेशवर कै कानून कै बगैर ना रौए सौकु थिया, जिथुकै हांव मसीह कै कानून कै हिसाब शै औसौ।

इफिसियों 2:12

तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

इफिसियों 2:3

आमै बै आगै तिनु जैशणै जियुं थिए, औरौ आपणै पापी स्‍वभाव कै इछाओं कै पूरी कौरु थिए, औरौ जू बै अमारी बुरी इछाएं औरौ विचार आमुखै बौल़ौ आमै सैजौई कौरु, औरौ बाकी सौबी कै जैशणै, आमै बै स्वाभाविक रुप शै बुरै थिए औरौ जू पौरमेशवर कै सौजा कै अधीन औसौ।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।