रोमियों 2:13 - सिरमौरी नौवाँ नियम

¹³ जिथुकै पौरमेशवर कै नोज़रो दै धरमी सैजै ना आथी जू मूसा कै कानून कै शुणणौवाल़ै औसौ पौरौ धरमी सैजै औसौ, जू मूसा कै कानून का पालन कौरणौवाल़ै औसौ।

Sirmouri

¹³ (किन्देंखे के पंणमिश्वर के नंजर दे ऋषी-मूसा खे निय्म शुणाँणों वाल़े ने, परह् ऋषी-मूसा खे भेटे गुऐं निय्मो दे चाल्णों वाल़े बै-कसूर बंण्दें।

रोमियों 2:13 ပူးပေါင်းရင်းမြစ်များ

लूका 18:14

यीशुए बौल़ौ हांव तुऔं खै बुलू, कै फरीसी आदमी ना, पौरौ मामला लोणो वाल़ा आदमी पौरमेशवर कै नज़र दा धरमी हौयौ आपणै घोरे हौटै गौआ; जिथुकै जू कुणिए आपी खै बौड़ा सौमझला सै नानड़ा हौंदा; औरौ जू आपी खै नानड़ा सौमझला, सै बौड़ा बौणाए जांदा।”

लूका 8:21

यीशुए तिनुकै जवाब देएबा बौल़ौ, “मैरै माँ औरौ मैरै भाए ऐजै औसौ, जू पौरमेशवर का वचन शुणौ औरौ मानौए।”

यूहन्ना 13:17

तुऐं ऐबै इनु बातौ कै जाणौए, औरौ जै तुऐं तिनु पांदी चालौ, तौ धन्‍य औसौ।

प्रेरितो कै काम 13:39

औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

रोमियों 10:5

जिथुकै पवित्र शास्त्र दै मूसा कै कानून धार्मिकता कै बारै मुंजी बौल़ौ: “जू आदमी मूसा कै कानून का पालन कौरौ, सै मूसा कै कानून लैई जियुंदी रौंदा।”

रोमियों 2:25

हांव ताखै किछै बौलणौ चोऊं। तैरै खतना कौरवाणौ कै कीमत सिरफ तोबै ही औसौ जौल़ौ तू मूसा कै कानून कै मानै। पौरौ जै तू सैजौ ना कौरे जू मूसा कै कानून बौल़ौ, तौ तुऐं खतना कौरेयौंदे यहूदी लोग तिनु लोगौ कै जैशणै ही औसौ जू यहूदी लोग ना आथी औरौ जिनका खतना ना हौए रैई।

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

रोमियों 3:23

इथकारिए सौबीए पाप कौरे राए औरौ पौरमेशवर कै तियौं महिमा शै दूर औसौ जू सै दैणै चांव,

रोमियों 3:30

जिथुकै ऐकैई पौरमेशवर औसौ, जू खतनावाल़ौ कै बिशवाश लैई औरौ बिना खतनावाल़ौ कै बै बिशवाश लैई धरमी साबित कौरौ।

1 कुरिन्थियों 4:4

जिथुकै मैरा विवेक मुखै कोसी बातौ दा दोषी ना ठोहरांव, पौरौ इथलैई हांव बैकसूर ना ठौरु, जिथुकै मैरा पोरखणै वाल़ा प्रभु औसौ।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

याकूब 1:27

अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।

1 यूहन्ना 2:29

जिथुकै तुऐं जाणौए, कै मसीह धरमी औसौ, तौ ऐजौ बै जाणौ कै जू कुणिए धार्मिकता का काम कौरौए सै पौरमेशवर कै संतान औसौ।

1 यूहन्ना 3:7

ओए रै नानड़िया, कोसी खै धौखा दै नी आया; जू कुणिए आदमी धार्मिकता कै काम कौरौए, सैजाई मसीह कै जैशणा धरमी औसौ।