रोमियों 16:21 - सिरमौरी नौवाँ नियम

²¹ तीमुथियुस मैरा मौददगार औसौ, औरौ लुकियुस औरौ यासोने औरौ मैरै साथी यहूदी लोग तुऔं कै बधाई दैय लोए।

Sirmouri

²¹ मेरा साजी तीमुथियुस का, अरह् मेरे कुड़्बे के लूकियुस अरह् यासोन अरह् सोसिपत्रुस का तुँओं खे नमंष्कार।

रोमियों 16:21 ပူးပေါင်းရင်းမြစ်များ

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 17:14

तोबै बिशवाशी भाईए तावल़ा पौलुस खै विदा कौरा कै समुन्द्र कै किनारे बाटी आगु जा; पौरौ सीलास औरौ तीमुथियुस बिरीया नोगरो दै रोए गौवै।

प्रेरितो कै काम 17:5

पौरौ यहूदी लोग जू ज़लन शै जौल़ै रौवै थिए तिनुऐ बाज़ारो पौरैशै लोगौ मुंजीदै कैई दुष्ट आदमियों खै आपणै साथी नियै, औरौ भीड़ लायौ खै नोगरो दा रोल़ा पाड़दै लागै, तिनुऐ यासोने कै घोरो पांदी हमला कौरा, पौलुस औरौ सीलास खै लोगौ कै सामणै लाणै चांव थिए।

प्रेरितो कै काम 18:5

जोबै सीलास औरौ तीमुथियुस मकिदुनिया प्रदेश दै ओऊवे, तौ पौलुसे तोम्बू बाणणौ कै काम बंद कौरे दियै औरौ पौलुस वचन शुणाणौ कै धुनो दा लागैयो यहूदी लोगौ खै गवाही दैंव थिया कै यीशु ही मसीह औसौ।

प्रेरितो कै काम 19:22

इथकारिए आपणी सेवा कौरणौवाल़ै मुंजीदै तीमुथियुस औरौ इरास्तुस खै मकिदुनिया प्रदेश दै तिनुखै आपी दै औगौड़ियौ भैजै दियै, औरौ आपी किछै दूसौ तौड़ी एशिया प्रदेश कै इफिसुस शहर दा रौआ।”

प्रेरितो कै काम 20:4

इयौं यात्रा दै बिरीया नोगर कै पुरूर्स का बैटा सोपत्रुस औरौ थिस्‍सलुनीके शहर मुंजीदै अरिस्‍तर्खुस औरौ सिकुन्‍दूस, औरौ दिरबे नोगर का गयुस, औरौ लुस्त्रा नोगर शा तीमुथियुस, औरौ एशिया प्रदेश का तुखिकुस औरौ त्रुफिमुस आसिया तौड़ी अमारै साथी यात्री थिए।

रोमियों 16:11

मैरै साथी यहूदी हेरोदियोन कै नमशकार। नरकिस्‍सुस कै परिवार कै जू प्रभु कै औसौ, तिनुखै नमशकार।

रोमियों 16:7

अन्‍द्रुनीकुस औरौ यूनियास कै जू मैरै साथी यहूदी औसौ, औरौ मैरै साथै कैदी बै थिए औरौ चोणेयौंदे चैलै तिनु आछै शै जाणौए, औरौ ऐजै दुईनै जोणे मुं दै आगै मसीह दै आए गौवै थिए, नमशकार।

2 कुरिन्थियों 1:1

मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

2 कुरिन्थियों 1:19

जिथुकै पौरमेशवर का बैटा यीशु मसीह जैसका अमारै दवारा यानी मैरै औरौ सीलास औरौ तीमुथियुस कै दवारा तोंवारै बीच मुंजी प्रचार हौआ; यीशु मसीह दै कौलोंई “हां” औरौ कौलोंई “ना” ऐजी दुईनै बातौ ना हौंव।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

कुलुस्सियों 1:1

हांव पौलुस जू पौरमेशवर की इछा कै दवारा मसीह यीशु का चोणेयौंदा चैला औसौ, औरौ साथी बिशवाशी भाई तीमुथियुस कै ढौबौशै ऐजै चिट्टी लैख लोए।

1 थिस्सलुनीकियों 1:1

ऐजी चिट्ठी पौलुस, सीलास औरौ तीमुथियुस खै ढौबौशी औसौ। ऐजी थिस्‍सलुनीका शहर कै कलीसिया कै आमुए लैखै लोए, जू पिता पौरमेशवर औरौ प्रभु यीशु मसीह कै बारै मुंजी औसौ। हांव प्रार्थना कौरु कै पौरमेशवर तुऔं पांदी अनुग्रह कौरौ औरौ तुऔं शान्तै दैंव।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 थिस्सलुनीकियों 3:6

पौरौ इबी तीमुथियुसे जू तोंवारै धोरे पौरैशा अमारै इथै आयौ, तोंवारै बिशवाश औरौ प्यार का सुसमाचार शुणौऊवा। इयौं बातौ खै बै शुणाए, कै तुऐं सौदा प्यार कै साथै आमुखै याद कौरौ, औरौ आमुखै दैखणौ कै लालसा बै राखौए, जैशैखै आमै बै तुऔं दैखणौ कै राखुए।

2 थिस्सलुनीकियों 1:1

ऐजै चिट्ठी पौलुस, सीलास औरौ तीमुथियुस कै ढौबौशी औसौ। ऐजै चिट्ठी थिस्‍सलुनीका शहर कै कलीसिया खै लैखै राए, जू अमारै पिता पौरमेशवर औरौ प्रभु यीशु मसीह शै जोड़ेयौंदे औसौ।

1 तीमुथियुस 1:2

मोऐं ऐजै चिट्ठी तीमुथियुस कै लैखै लोए। तू मैरै आपणै बैटै कै जैशणा औसौ जिथुकै तू बै मसीह दा बिशवाश कौरे: हांव प्रार्थना कौरु कै पिता पौरमेशवर औरौ अमारै प्रभु यीशु मसीह दै ताखै अनुग्रह औरौ दया, औरौ शान्तै भैटदै रौंव।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

1 तीमुथियुस 6:20

ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।

2 तीमुथियुस 1:2

ओए रै तीमुथियुस, हांव ताखै ऐजै चिट्ठी लिखु, औरौ तू मुं कारिए ऐकी प्यारे बैटै कै जैशणा औसौ। हांव प्रार्थना कौरु कै पिता पौरमेशवर औरौ अमारा प्रभु मसीह यीशु तुऔं कै अनुग्रह औरौ दया औरौ शान्तै दैंव।

इब्रानियों 13:23

तुऐं ऐजौ जाणै पाव कै तीमुथियुस अमारा बिशवाशी भाई कोयदखाने पौरैशा बायरै आए गौआ औरौ जै सै तावल़ा आए गौआ, तौ हांव तैसकै साथै तुऔंआरी भैटिंदा।