रोमियों 16:2 - सिरमौरी नौवाँ नियम

² कै जू प्रभु कै औसौ, तियौं का स्वागत कौरौ, औरौ जैसी कोसी बात दै तियौंकै तुऔं लोगौ शै मौदद चैंई, तियौंकै मौदद कौरौ; जिथुकै सै बै बौहितै कै यानी मैरी बै मौदद कौरणौवाल़ी हौए रौए।

Sirmouri

² के जेष्णाँ पबित्र लोगो का स्वागत् हुवा चेंई, तेष्णा ही तियाँरा भे प्रभू दा स्वागत् करह्, तैष्णी ही माँनों; अरह् जियों कोसी बातो दी तियाँरे तुँवारी जरूरत असो, तियाँरी साऐता-मंद्द करह्, किन्देंखे के से भे भहिते की मतल्व मेरी भी मदत्तगार कर्णो वाल़ी असो।

रोमियों 16:2 ပူးပေါင်းရင်းမြစ်များ

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

प्रेरितो कै काम 9:13

हनन्‍याहए जोवाब दिया, “ओए रै प्रभु मोऐं ऐसी आदमी कै बारै मुंजी बौहितै लोगौ शै शौणै राए कै ऐणै यरूशलेम शहर दै तैरै पवित्र लोगौ कै साथै बैजाए बुरु कौरे राए।

प्रेरितो कै काम 9:15

पौरौ प्रभुए तैसीखै बौल़ौ, “तू आगु जा, जिथुकै तैसी तौ मोऐं बैगानै यहूदी औरौ राजाओं औरौ इस्राएल देश कै लोगौ कै सामणै मैरै बारै मुंजी प्रचार कौरणै औरौ आपणी सेवा कौरणौ कारिए चोणे राए।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

प्रेरितो कै काम 9:39

तोबै पतरस बिज़यो तिनकै साथी हौटै गौआ औरौ जोबै सै पोऊंचा तौ सै तैसीखै उपले कोमरै दै लोए गौवै औरौ सौबै विधवाएं रुंदै बैई तैसकै धोरे आयौ खोड़ी हौए गोई औरौ जू कूर्ते औरौ खोटणो दोरकासे तिनकै साथी रौंदै बैई बाणै राए थिए, दिखांदी लागी।

प्रेरितो कै काम 9:41

तैणै हाथ दैयौ तियौं ऊबै बिजाल़ै, औरौ पवित्र लोगौ औरौ विधवाओं खै बौएदैयौ तियौं जियुंदी औरौ जागेयौंदे दिखाए दै।

रोमियों 15:7

इथकारिए, ऐकी दूजै कै अपनांव, तोबै, जैशैकै मसीहे तुऔं अपनाए राए, ताकि लोग पौरमेशवर कै तारीफ कौरौ।

रोमियों 16:15

फिलुलुगुस औरौ यूलिया औरौ नेर्युस औरौ तैसकै बोईण, औरौ उलुम्‍पास औरौ तिनकै साथौ कै सौबै पवित्र लोगौ कै नमशकार।

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

रोमियों 16:6

मरियम कै जियैं तुऔं कारिए बैजाए मैहनत कौरे, नमशकार।

रोमियों 16:9

उरबानुस कै, जू मसीह दा अमारा मौददगार औसौ, औरौ मैरै प्यारे इस्‍तखुस कै नमशकार।

इफिसियों 5:3

जैशै पवित्र लोगौ कै लायक औसौ, तैशैखै तुऔं दै व्‍यभिचार, औरौ कोसी भान्त कै अशुध्द काम या लालच कै चौर्चा बै ना हौंव।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

फिलिप्पियों 2:29

इथकारिए तुऐं प्रभु मुंजी तैसीआरी बौहितै खुशी कै साथै भैटियो, तुऔं तैसका औरौ तैसकै जैशणै लोगौ का आदर कौरदै रौणौ चैंई।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

1 तीमुथियुस 2:10

इथकै बजाय, तिनु ओकी लोगौ कारिए भले काम कौरेयौ आपी कै सुन्दर बौणणौ चैंई। जिथुकै पौरमेशवर कै भोक्‍ती कौरणौवाल़ी बैटमाणिशौ कै ऐजौई कौरणौ ठीक औसौ।

2 तीमुथियुस 1:18

हांव प्रार्थना कौरु कै न्याय कै दूसै प्रभु, उनेसिफुरूस कै आपणै महान दया दिखांव। औरौ तुऐं आपी बै आछी तरह शै जाणौए कै तैणै इफिसुस शहर दै मैरै कैतरै मौदद कौरे राए थै।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

फिलेमोन 1:12

मोऐं उनेसिमुस कै तैरै धोरे पाछु छाड़ै लौआ जैसी आरी हांव दिल शै प्यार कौरु।

फिलेमोन 1:17

जै तू मुखै आपणा सहयोगी सौमझै, तौ जोबै उनेसिमुस तैरै धोरे पाछु आन्दा तौ तू तैसकै साथै खुशी शै बर्ताव कौरेया जैशै तू मैरा स्वागत कौरे।

2 यूहन्ना 1:10

जै कुणिए आदमी तोंवारै धोरे आंव औरौ सै ऐजै शिक्षा नै दैंव, ना तौ तैसी घोरे आणौ दैव औरौ ना तैसी नमशकार कौरेयौ बौढ़ावा दैव।