रोमियों 16:17 - सिरमौरी नौवाँ नियम

¹⁷ ऐबै ओए रै बिशवाशी भाईयों, हांव तुऔं कैईंदै बिन्ती कौरु, कै सैजै लोग जिनकै बौजैह शै ओकी लोगौ कै बिशवाश खत्म हौए जांव, सै ऐशणै काम कौरौ जू बटंवारै कै बौजैह बौणौ कै तुऐं तिनु लोगौ शै चौकश औरौ दूर रौव।

Sirmouri

¹⁷ ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

रोमियों 16:17 ပူးပေါင်းရင်းမြစ်များ

मत्ती 18:17

औरौ जै सै तिनकी बै ना मानौ, तौ मसीह मंडली खै बौल़ै दै, पौरौ जै सै कलीसिया की बै ना मानौ, तौ तुऐं तैसकै साथै तैशणाई बर्ताव कौरौ जैशैकै तुऐं कोसी बैगानै यहूदी औरौ मामला लोणोवाल़ै कै साथै कौरौ।

मत्ती 18:7

दुनिया कै लोगौ पांदी हाय जू पाप कौरणौ कै बौजैह बौणौ, लोगौ कारिए पाप कौरणौ कै परीक्षा सौदा आन्दै रौंदै, पौरौ हाय तैसी आदमी पांदी जू पाप कौरवाणौ कै बौजैह बौणौ।

मत्ती 7:15

“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ।

लूका 17:1

यीशुए आपणै चैलै कै बौल़ौ, “ऐजै बात पाकै औसौ कै परीक्षाएँ आदमी कै सामणै जौरुर आन्दी, जू तिनकै पाप कौरणौ कै बौजैह बोणदी पौरौ हाय तैसी पांदी जैसकी बौजैह शै परीक्षा आंव!

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

1 कुरिन्थियों 11:18

जिथुकै सौबी दै आगलै बात ऐजै औसौ, कै मोऐं ऐजौ शौणै राव, कै जोबै तुऐं कलीसिया दै आराधना कौरणौ कारिए कौठै हौंव, तौ तोंवारै आपी मुंजी ना बौणौ, औरौ मुखै बिशवाश औसौ कै तिनकी बातौ दै किछै तौ सौचाई औसौ।

1 कुरिन्थियों 3:3

जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

फिलिप्पियों 3:17

ओए रै भाईटु तुऐं सौबै मैरै बर्ताव कै नकल कौरौ, औरौ तिनु लोगौ पांदी ध्यान दैंव जू मैरै बर्ताव कै नकल कौरौ, औरौ तिनकै नकल कौरौ। जिथका उदारण तुऐं आमु बर्ताव कौरदै बैई दैखौ जोबै आमु तोंवारै साथै थिए।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

2 थिस्सलुनीकियों 3:6

ओए रै बिशवाशी भाईयों, तैसी औधिकार शै जू प्रभु यीशु मसीहे आमु दैय राए, कै ऐशणै कोसी बै बिशवाशी भाई औरौ बोईणी आरी मिली-जोलैयौ नी रौया, जू सुस्त रौंव, औरौ तिनु नियमौ खै ना मानौ जू आमुए तुऔं शिखाए राए।

1 तीमुथियुस 1:3

ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

2 तीमुथियुस 3:5

सै पौरमेशवर का आदर कौरणौ कै दिखावा कौरदै, पौरौ सै पौरमेशवर कै अनौखी शौकतै कै बुरै जीवनो शै बौदल़णौ शै इन्कार कौरदै; ऐशणै लोगौआरी सौमबंध नी राख।

तीतुस 3:10

ताखै कम सै कम दो बैई तिनु लोगौ कै चैतावणी दैणी चैंई जू कलीसिया दै फूट पौड़ांव, कै सै ऐशै कौरणौ बंद कौरे दैंव। इथकै बाद, तिनुवांदो दूर रौणौ चैंई।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

यहूदा 1:19

ऐजैई सैजै लोग औसौ, जू तुऔं एकजुट ना हौणौ दैंव; सै आपणी खुद की इछाओं कै हिसाब शै बर्ताव कौरौ, औरौ तिनुमुंजी पवित्र आत्मा ना आथी।