रोमियों 16:13 - सिरमौरी नौवाँ नियम

¹³ रूफुस कै जू प्रभु कै सेवा दा तिनकै खास काम कौरणौवाल़ा औरौ तैसकै माँ कै जू मैरै बै ऐक माँ कै जैशणै औसौ, नमशकार।

Sirmouri

¹³ रूफुस खे, जू प्रभू दा चूणाँ-छाँटा अंदा असो, अरह् तेस्की माँ खे, जू मेरी भे माँ असो, दुई खे नमंष्कार।

रोमियों 16:13 ပူးပေါင်းရင်းမြစ်များ

मत्ती 20:16

ऐशैखै जू इबी पाछलै औसौ सै औगौड़ियौ कौरे जांदै, औरौ जू आपी खै औगौड़ियौ सौमझौ सै पाछलै सौमझै जांदै।”

मरकुस 15:21

सिकन्‍दर औरौ रूफुस का पिता शमौन, ऐक कुरेनी शहर का आदमी थिया, जू गांव पौरैशा शहरो कै आन्‍दा लागै रौआ थिया तिथ बाटी हौटा; सैनिके तैसी जोरै पाकड़ा कै तैसकौ क्रूस टिपेबा आगु नियौ जैसी ठाँव दा यीशु कै क्रूस पांदी टांगणा थिया।

मरकुस 3:35

जू कुणिए पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 19:27

तोबै तैसी चैलै खै बौल़ौ, “दैख, ऐजै तैरै माँ औसौ।” औरौ तैसी सौमय सैजा चैला तियौंखै आपणै घोरे लौए गौआ।

रोमियों 16:12

बोईण त्रुफेना औरौ त्रुफोसा कै जू प्रभु दै मैहनत कौरौ, नमशकार। प्यारे बोईण पिरसिस कै, जियैं प्रभु दै बैजाए मैहनत कौरे, नमशकार।

रोमियों 16:14

असुक्रितुस औरौ फिलगोन औरौ हिर्मेस औरौ पत्रुबास औरौ हिर्मास औरौ तिनकै साथै बिशवाशी भाईयों कै नमशकार।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

1 तीमुथियुस 5:2

आपी दी बौड़ी बैटमाणिशौ कै आपणी माँ कै जैशणा बर्ताव कौरेया, औरौ आपी दी नानड़ी बैटमाणिशौ कै साथै आपणी बोईण कै जैशणा शुध्द मन कै साथै बर्ताव कौरेया।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।