रोमियों 15:7 - सिरमौरी नौवाँ नियम

⁷ इथकारिए, ऐकी दूजै कै अपनांव, तोबै, जैशैकै मसीहे तुऔं अपनाए राए, ताकि लोग पौरमेशवर कै तारीफ कौरौ।

Sirmouri

⁷ ईन्देंखे जेष्णी मसीया ऐ पंणमिश्वर के बड़ियाऐ खे तुँओं माँनी थुऐ, तेष्णें ही तुँऐं भे ओका ओकी माँनिया करह्।

रोमियों 15:7 ပူးပေါင်းရင်းမြစ်များ

मत्ती 10:40

“जू कुणिए मैरै नांव शै तुऔं खै अपनांव, सै मुखै अपनांव; औरौ जू कुणिए मुखै अपनांव, सै पौरमेशवर कै अपनांव, जैणै मुखै छाड़ै राए।

मरकुस 9:37

“जू कुणिए मैरै नांव शै इनु जैशणै नानड़िया मुंजी शै कोसी ऐकी कै अपनांव, सै मुखै अपनांव। औरौ जू कुणिए मुखै अपनांव, सै सौथी कै पौरमेशवर कै अपनांव, जैणै मुखै छाड़ै राए।”

लूका 15:2

पौरौ फरीसी औरौ यहूदी शास्त्री लोग खिजैयौ बौलदै लागै, “ऐजा तौ पापी लोगौआरी रौंव औरौ तिनकै साथै खाया-पैया बै कौरौ।”

लूका 9:48

औरौ तिनु बौल़ौ, “जू कुणिए मैरै नांव शै ऐसी भेइया कै बै अपनांव, सै मुखै अपनांव; औरौ जू कुणिए मुखै अपनांव सै मैरै भैजणौवाल़ै पौरमेशवर कै अपनांव, जिथुकै जू तुऔं मुंजीदा सौबिदा नानड़ै दा नानड़ा औसौ, सैजाई बौड़ा औसौ।”

यूहन्ना 13:34

हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

रोमियों 15:9

औरौ बैगानै यहूदी लोग बै पौरमेशवर कै दया कै बौजैह शै पौरमेशवर कै स्तुति कौरौ, जैशैखै पवित्र शास्त्र बौल़ौ, “इथकारिए हांव बैगानै यहूदी लोगौ मुंजी तैरै स्तुति कौरदा, औरौ तैरै नांव का भजन गांदा।”

रोमियों 5:2

अमारै बिशवाश की बौजैह शै, मसीहे आमु ऐसी अनुग्रह दै लाए राए जिथै आमै इबी खौड़ै औसौ, औरौ आमै निशोंक औरौ खुशी कै साथै पौरमेशवर कै महिमा कै साझा कौरणौ कै आशा दैखु।

इफिसियों 1:12

आमै यहूदी आगलै लोग औसौ जिनुवै मसीह पांदी आशा राखै, औरौ आमु इथकारिए चोणे राए थिए ताकि आमु लोगौ कै दवारा पौरमेशवर कै महानता कै बौड़ाए हौंव।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

कुलुस्सियों 3:13

औरौ जै कोसी आदमी कै कोसी पांदी दोष दैणौ कै बौजैह हौंव तौ ऐकी दूजै कै सैहन कौरौ औरौ ऐकी दूजै कै पाप माफ कौरौ, जैशै प्रभुए तोंवारै पाप माफ कौरे राए, तैशैखैई तुऐं बै कौरौ।