रोमियों 15:6 - सिरमौरी नौवाँ नियम

⁶ ताकि तुऐं सौबै ऐकी साथै मिलैयौ, अमारै प्रभु यीशु मसीह कै परमपिता पौरमेशवर कै स्तुति कौरौ।

Sirmouri

⁶ जू तुँऐं ऐक मंन अरह् ऐक ओवाज दी अमाँरे प्रभू यीशू मसीया के परमं-पिता पंणमिश्वर के बड़ियाऐं करह्।

रोमियों 15:6 ပူးပေါင်းရင်းမြစ်များ

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

प्रेरितो कै काम 4:24

ऐजौ शोणेयो, तिनुऐ ऐक मन हौयौ कै जोर शै पौरमेशवर कै बौल़ौ, “ओए रै प्रभु, तू सैजाई औसौ जैणै स्वर्ग औरौ धोरती औरौ समुन्द्रो औरौ जू किछै तिथमुंजी औसौ बौणाए राए।

प्रेरितो कै काम 4:32

बिशवाश कौरणौवाल़ौ कै मण्‍डली ऐक चित औरौ ऐकी मनो कै थी, इथै तौड़ी कै कुणिए बै आपणै जायदात कै आपणै नी बौल़ौ थिए, पौरौ सौबै ठुँ साझे को थियु।

2 कुरिन्थियों 1:3

अमारै प्रभु यीशु मसीह कै पिता औरौ पौरमेशवर कै बौड़ाए हौंव, जू दया का पिता औसौ औरौ आमु हमैशा तसल्ली दैंव जू सौब तरह कै शान्तै का पौरमेशवर औसौ।

2 कुरिन्थियों 11:31

पौरमेशवर अमारै प्रभु यीशु कै पिता जू सौदा धन्‍य औसौ, जाणौए कै हांव झूठु ना बुलू।

इफिसियों 1:17

हांव प्रार्थना कौरु कै पौरमेशवर अमारै प्रभु यीशु मसीह का महिमामय पिता तुऔं बुध्दि, आत्मा औरौ ज्ञान दैंव ताकि तुऐं तैसी जाणै सौकौ।

इफिसियों 1:3

अमारै पौरमेशवर औरौ प्रभु यीशु मसीह कै पिता कै बौड़ाए हौंव। तैणै आमु स्वर्ग शै हर भान्त कै आत्मिक आशीष दैय राए जिथुकै आमै मसीह कै साथै ऐक हौए गौवै।

कुलुस्सियों 1:3

जोबै आमै तुऔं कारिए प्रार्थना कौरु तोबै आमै आपणै प्रभु यीशु मसीह कै पिता यानी पौरमेशवर का धन्यवाद कौरु।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।