रोमियों 15:30 - सिरमौरी नौवाँ नियम

³⁰ ओए रै बिशवाशी भाईयों; प्रभु यीशु मसीह दै अमारै बिशवाश कै बौजैह शै औरौ पवित्र आत्माए जू आमु प्यार दैय राए, तिथकै बौजैह शै, हांव तुंआदै बिन्ती कौरु, कै तुऐं मैरै खातिर पौरमेशवर शै बैजाए ही ईमानदारी शै प्रार्थना कौरौ।

Sirmouri

³⁰ हे भाऐ बंईणों, अमाँरे प्रभू यीशू मसीया के अरह् पबित्र-आत्त्मा को पियार चित्ते कराऐयों हाँव तुँओं खे ढाल-अरज करू के मेरी ताँईऐं पंणमिश्वर शी प्रार्थना कर्णो खे मेरी गईलो मीलियों मंगन रूऐ

रोमियों 15:30 ပူးပေါင်းရင်းမြစ်များ

2 कुरिन्थियों 1:11

जिथुकै तुऐं अमारै प्रार्थनाओं कै दवारा अमारै मौदद कौरौ कै जू आशीषौ तिनकै दवारा भैट रैई तिथकी बौजैह शै बैजाए लोग अमारै ढौबौशा धन्यवाद कौरौ।

2 कुरिन्थियों 12:10

ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 6:19

औरौ तुऐं मुं कारिए बै प्रार्थना कौरौ, ताकि बौलदै बैई मुखै शब्द दियै जांव औरौ हांव निडर हौयौ तैसी सुसमाचार का भैद बौताए सौकु।

फिलिप्पियों 2:1

जै मसीह कै साथै कौठै हौणौ शै तुऔं खोशे भैटौ, जै तुऔं मसीह कै प्यार शै सुकून भैटौ, औरौ जै तुऔं कैई आत्मा कै साथै संगति औसौ, औरौ जै मसीह तोंवारै साथै करूणा औरौ दया कौरणौवाल़ा औसौ,

कुलुस्सियों 1:8

तैणै आमु तोंवारै तैसी प्यार कै बारै मुंजी बौतौऊ जू तुऐं ओकी लोगौ आरी कौरौ, जू पवित्र आत्माए तुऔं दैय राए।

कुलुस्सियों 2:1

हांव चोऊं कै तुऐं जाणै पाव, कै जू लौदीकिया नोगर दै औसौ, औरौ तिनु सौबै लोगौ कारिए जिनुवारी हांव ना भैटी रैई, हांव कैतरै मैहनत कौरु।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 5:25

ओए रै बिशवाशी भाईयों, आमु कारिए प्रार्थना कौरौ।

2 थिस्सलुनीकियों 3:1

ओए रै बिशवाशी भाईयों, आखिर दै, आमु कारिए प्रार्थना कौरौ, ताकि आमै तावल़ै सौबै जौगैह दै प्रभु यीशु मसीह कै बारै मुंजी सौंदेश कै पोऊंचाए सौकु औरौ लोग इथपांदी तैशैखैई बिशवाश कौरौ जैशै तुऐं कौरे राए थिया।

2 तीमुथियुस 4:1

जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।