रोमियों 15:13 - सिरमौरी नौवाँ नियम

¹³ हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

Sirmouri

¹³ पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 15:13 ပူးပေါင်းရင်းမြစ်များ

यूहन्ना 14:1

यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ।

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

रोमियों 14:17

जिथुकै पौरमेशवर कै राज्य दो खाणौ पिणु खास ना आथी। खास बात ऐजी औसौ कै पौरमेशवर कै साथै सोही जीवन जिणा, पवित्र आत्मा दै शान्तै औरौ खुशी औसौ।

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

रोमियों 15:5

हांव प्रार्थना कौरु कै पौरमेशवर आमु सब्र औरौ उत्साह दैंव ताकि मसीह यीशु कै पाछैदै चालदै बैई आपी मुंजी एकता दै रौंव।

1 कुरिन्थियों 2:4

औरौ मैरी शिक्षा औरौ मैरा प्रचार आदमी कै ज्ञान कै चलाकी औरौ शिखाणौ वाल़ै बातौ कै साथै ना आथी, पौरौ पवित्र आत्माए तुऔं ऐक शौकतीशाली तरीकै लैई दिखोऊ कै जू सौंदेश मोऐं तुऔं बौतौऊवा सैजा साचा थिया।

2 कुरिन्थियों 9:8

पौरमेशवर सौब भान्त का अनुग्रह तुऔं तोंवारै जौरुरत शै जादा दैणौ दा शौकतीशाली औसौ जिथलैई हर बात दै औरौ हर सौमय, सौब किछै, जू तुऔं जौरुरी हौंव, तुऔं कैई रौंव ताकि तुऔं कैई भौलै काम कौरणौ कारिए जौरुरत सै जादा हौं।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 1:2

हांव प्रार्थना कौरु कै अमारै पौरमेशवर पिता औरौ प्रभु यीशु मसीह कै ढौबौशै तुऔं अनुग्रह औरौ शान्तै भैटिया कौरौ।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

1 तीमुथियुस 1:1

मोऐं पौलुसे ऐजी चिट्ठी लैखै लोए। हांव अमारै उध्दारकर्ता पौरमेशवर औरौ अमारै प्रभु यीशु मसीह, जैसीदै आमै आशा राखु, तैसकै औधिकार शै यीशु मसीह का ऐक चोणेयौंदा चैला औसौ।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।