रोमियों 14:9 - सिरमौरी नौवाँ नियम

⁹ जिथुकै मसीह इथकारिए मौरा औरौ औटेयौ जियुंदी हौए गौआ कै सै सैजाई औसौ जैसी मौरेयौंदे औरौ जियुंदी लोग दुईनै प्रभु कै रुप दै स्वीकार कौरौ।

Sirmouri

⁹ किन्देंखे के मसीया ईन्दी ही की ताँईऐं मंरा, अरह् ऊबे भे जींऐं के से मरे अंदे अरह् जींऊदे दुई के प्रभू असो।

रोमियों 14:9 ပူးပေါင်းရင်းမြစ်များ

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

लूका 24:26

ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?”

यूहन्ना 12:24

हांव तुऔं कैंई साचौ-साचौ बुलू, कै जांव तौड़ी गियुँ का गुलटा माटियो मुंजी पौड़ेयौ मौरे ना जांव तांव तौड़ी सै इकली रौंव पौरौ जोबै मौरे जांव तोबै बौहिता फोल़ लांव।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 10:42

औरौ तैणै आमु आज्ञा दै कै सौबी लोगौ मुंजी प्रचार कौरेया औरौ गवाही दैया कै यीशु सैजाई औसौ जैसी पौरमेशवरे जियुंदै औरौ मौरेयौंदे का न्यायी बाणै राए।

रोमियों 10:9

इथकारिए जै तुऐं आपणै मुँह लैई लोगौ कै सामणै यीशु मसीह कै प्रभु जाणैयौ अपनांव, औरौ आपणै मन दा ऐजा बिशवाश कौरौ कै पौरमेशवरे मसीह कै मौरेयौंदे मुंजीदा जियुंदी कौरा, तौ पौरमेशवर तैरा उध्दार कौरदा।

2 कुरिन्थियों 5:14

जिथुकै मसीह का प्यार आमुखै मोजबूर कौरे दैंव; इथकारिए कै आमु ऐजा पौता औसौ, कै ऐक आदमी सौबी लोगौ कै खातिर मौरे गौआ, इथकारिए सौबै लोग मौरे गौवै।

1 थिस्सलुनीकियों 4:14

जै आमै बिशवाश कौरु, कै यीशु मौरा, औरौ जियुंदी बै हौए गौआ, तौ तैशैखैई पौरमेशवर तिनुखै जू यीशु दै मौरे गौवै, औटेयौ जियुंदी कौरदा, औरौ यीशु मसीह कै साथै स्वर्ग दै पाछु निंदा।

1 थिस्सलुनीकियों 5:10

यीशु मसीह आमु कारिए मौरा, कै आमु चाहै जियुं या मौरे जोऊं, जोबै प्रभु यीशु पाछु आला तोबै आमै सौदा तैसकै साथै रौए सौकु।

2 तीमुथियुस 4:1

जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

1 पतरस 4:5

पौरौ ऐक दूसै सै निशोंक हौयौ पौरमेशवर कै सामणै न्याय कारिए खौड़ै हौंदै, औरौ पौरमेशवर तिनुमुंजी दौ सौबीआदो तिनकै दवारा धोरती पांदी कौरेयौंदे कामौ कै बारै मुंजी पूछदा। पौरमेशवर जियुंदी औरौ मौरेयौंदे लोगौ का न्याय कौरदा।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ: