रोमियों 14:20 - सिरमौरी नौवाँ नियम

²⁰ तुंआरै किछै खाणौ पिणौ की चीज़ौ कै बौजैह शै पौरमेशवर कै काम ना बिगड़ौ। सौब ठुँ ठीक औसौ, पौरौ किछै ऐशणै चीज़ खाणै गौलत औसौ जू ओकी आदमी कै पाप दै पोड़णो कै बौजैह बौणौ।

Sirmouri

²⁰ भोजन की ताँईऐं पंणमिश्वर का काँम-काज़ ने बिगाड़े, ऐजो साचो असो के सब-कुछ आपु आपु दो शुद्ध असो; परह् भोजन के कारण ओकी के बाटो का रोड़ा रूकावट ने बंणें, ऐजी बुरी बात असो।

रोमियों 14:20 ပူးပေါင်းရင်းမြစ်များ

मत्ती 15:11

जू आदमी कै मुँह कै भीतरै जांव, सै आदमी खै अशुध्द ना कौरौ, पौरौ जू मुँह बाटी निकल़ौ, सैजौई आदमी खै अशुध्द कौरौ।”

मत्ती 18:6

पौरौ जू कुणिए इनु नानड़ै लोगौ मुंजी शै जू मुं पांदी बिशवाश कौरौ, औरौ तैसकै पाप कौरवाणौ कै बौजैह बौणौ तैसी कारिए ऐजौ आछौ हौंदौ कै ऐक बौड़ै चाकी का पाथर तैसकै टाटु दा टांगै दैंव औरौ तैसी डुंगै समुन्द्र दा पाए दैंव, जिथु तैसीखै ऐजै बुरै सौजा औसौ। पौरौ पौरमेशवर तैसीखै इंदैदी बै बुरै सौजा दैला।

प्रेरितो कै काम 10:15

तैसकै दुजाल़ियो आवाज़ शौणै, “जू किछै पौरमेशवरे शुध्द कौरे राए, तिथु तू अशुध्द नी बौल।”

रोमियों 14:2

जिथुकै ऐकी कै बिशवाश औसौ, कै सौब ठुँ खाणौ आछौ औसौ, पौरौ जू बिशवाश दै कमजोर औसौ, सै शाग पात ही खांव।

रोमियों 14:21

भोला तौ ऐजौ औसौ कै तू ना मांस खाएं औरौ ना अंगूर का रस पिंए, औरौ ना किछै ऐशणौ कौरे जिथलैई तैरा साथी बिशवाशी पाप दा नै पौड़ौ।

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

फिलिप्पियों 1:6

मुखै इयौं बातौ का भोरोशा औसौ कै पौरमेशवरे तुऔं मुंजी किछै आछा काम कौरणा शुरु कौरे राए, सैजाई तैसी यीशु मसीह खै पाछु आणौ कै दूसौ तौड़ी पूरा कौरदा।

तीतुस 1:15

तिनु लोगौ कारिए जिनकै दिल दै ऐशणै पाप वाल़ै विचार ना आथी, तिनु कारिए सौबै चीज़ौ शुध्द औसौ, औरौ जू बुरै लोग औसौ औरौ जू लोग यीशु पांदी बिशवाश ना कौरौ, तिनु कारिए सौबै चीज़ौ अशुध्द औसौ जिथुकै तिनकै दिल पूरी तरह शै बुरै हौए गौवै।