रोमियों 14:2 - सिरमौरी नौवाँ नियम

² जिथुकै ऐकी कै बिशवाश औसौ, कै सौब ठुँ खाणौ आछौ औसौ, पौरौ जू बिशवाश दै कमजोर औसौ, सै शाग पात ही खांव।

Sirmouri

² ऐकी ऐजा बिश्वाष असो, के सब-कुछ खाँणों ठीक असो, परह् जुण्जा बिश्वाष दा कंंमजोर असो, से शाग-पाच़ ही खाँव।

रोमियों 14:2 ပူးပေါင်းရင်းမြစ်များ

रोमियों 14:1

जू बिशवाशी भाई बिशवाश दा कमजोर औसौ तैसीखै कमजोर बिशवाश कै साथै बिना कोसी शक कै अपनांव,, तैसकै साथै बैहस नी कौरौ कै का कौरणौ चैंई या का ना कौरणौ चैंई।

रोमियों 14:14

हांव जाणुए, औरौ प्रभु यीशु शै मुखै पाको हौए रो, कै सौबै भोजन खाणौ कारिए ठीक औसौ, पौरौ जू तिथुकै अशुध्द सौमझौ, तैसी कारिए अशुध्द औसौ।

रोमियों 14:20

तुंआरै किछै खाणौ पिणौ की चीज़ौ कै बौजैह शै पौरमेशवर कै काम ना बिगड़ौ। सौब ठुँ ठीक औसौ, पौरौ किछै ऐशणै चीज़ खाणै गौलत औसौ जू ओकी आदमी कै पाप दै पोड़णो कै बौजैह बौणौ।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

1 कुरिन्थियों 10:25

तुऐं बाज़ार दै बिकणौवाल़ी कुणजै बै चीज़ौ खै खाए सौकौ। ऐजौ ना पूछौ कै ऐजौ मूर्ति कारिए राखै राए थियु कै ना, ताकि तोंवारा विवेक तुऔं खै दोषी ना बाणौ।

1 कुरिन्थियों 8:9

पौरौ चौकश रौया, ऐशै नै हौंव, कै तोंवारै ऐजै आज़ादी बिश‍वाशौ दै कमजोर लोगौ कारिए पापौ कै बौजैह बौणौ।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

गलातियौं 2:12

पतरस बैगानै यहूदी लोगौ कै साथै खाणौ खाया कौरौ थिया कै जांव तौड़ी कै यरूशलेम शहर दै याकूब कै भैजैयौंदे किछै बिशवाशी अन्‍ताकिया शहर दै ना आई। तैणै तिनु लोगौ खै डौर शै ऐशै कौरौ जू चांव थिए कै बैगानै यहूदी लोगौ का बै खतना हौणा चैंई।

1 तीमुथियुस 4:4

जिथुकै पौरमेशवर कै बाणैयौंदे हरेक चीज़ आछै औसौ, औरौ हर भान्त कौ खाणौं खाणौ कै लायक औसौ। पौरौ ऐजौ पौरमेशवर खै धन्यवाद दैयौ खाणौ चैंई;

तीतुस 1:15

तिनु लोगौ कारिए जिनकै दिल दै ऐशणै पाप वाल़ै विचार ना आथी, तिनु कारिए सौबै चीज़ौ शुध्द औसौ, औरौ जू बुरै लोग औसौ औरौ जू लोग यीशु पांदी बिशवाश ना कौरौ, तिनु कारिए सौबै चीज़ौ अशुध्द औसौ जिथुकै तिनकै दिल पूरी तरह शै बुरै हौए गौवै।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

इब्रानियों 9:10

जिथुकै सैजै नियम सिरफ लोगौ कै खाणौ-पिणौ औरौ शोरीरो खै ठीक ढंग शै धौणौ कै बारै मुंजी बौतांव जिथकै दवारा लोग बायरी तौर शै साफ हौए जांव। इनु नियमौ खै तांव तौड़ी मानणै पौड़ौ थिए जांव तौड़ी कै पौरमेशवरे आपणा नौवाँ सौमझौता शुरु नी कौरा।