रोमियों 14:18 - सिरमौरी नौवाँ नियम

¹⁸ जू कुणिए इयौं बौजैह शै मसीह कै सेवा कौरौ, तैसदा पौरमेशवर खुश हौंव औरौ लोग बै तैसकै बारै मुंजी आछौ बौल़ौ।

Sirmouri

¹⁸ जू कुँऐं ईयों रिती शी मसीया की सेवा करह्, तेसी पंणमिश्वर के भाँवऐं, अरह् आदमी मुँझी माँना-गिंणा ज़ाँव।

रोमियों 14:18 ပူးပေါင်းရင်းမြစ်များ

मरकुस 13:34

मैरै जाणौ औरौ पाछु आणौ का तरीका ऐशैखैई हौंदा जैशै ऐक आदमी प्रदेश जाणौ कै सौमय आपणौ घोर छोड़े दैंव, औरौ आपणै नोकर खै घोरो कै रोखवाल़ी कि जुमैवारी दैयौ जांव, औरौ सौबी खै तैसका काम बौताए दैंव, औरौ चोकीदार खै बौताए दैंव कै मैरै आणौ तौड़ी चौकश रौया।

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

प्रेरितो कै काम 10:35

यानी हर देश दा जू पौरमेशवर शै डौरौ औरौ धरम कै काम कौरौ सै तिनु अपनावंए।

रोमियों 12:11

कड़ी मैहनत कौरौ औरौ आलसी ना बौणौ, पूरै मन शै खुशी कै साथै पौरमेशवर कै सेवा कौरौ।

रोमियों 14:4

इथकारिए तुऔं कोसी कै दास का न्याय नी कौरणा चैंई? सै चाहै कामयाब हौंव या ना हौंव, तैसकै स्‍वामी ही शै सौमबंध राखौ, यानी सै कामयाब ही कौरे दिया जाला जिथुकै प्रभु तैसी कामयाब कौरे सौकौ।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

1 कुरिन्थियों 7:22

जिथुकै जू गुलाम कै दशा दा तैसी सौमय बौएदै गौआ, जोबै सै गुलाम थिया प्रभुए तैसी पाप कै शौकतै शै आज़ाद कौरे राए औरौ तैशैखैई जू आज़ादी कै दशा दै बौएदै गौवै, सै मसीह कै गुलाम बौणौ।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

2 कुरिन्थियों 5:11

इथकारिए प्रभु का डौर मानैयौ आमु सौचाई पांदी बिशवाश कौरणौ कारिए बिन्ती कौरु औरौ पौरमेशवर जाणौए कै आमु सौथीखै का औसौ; औरौ मैरै आशा ऐजै औसौ, कै तुऐं आपणै दिल शै आमुखै सौथीखै जाणौ।

2 कुरिन्थियों 5:9

इयौं बौजैह शै अमारै मन कै इछा ऐजै औसौ, कै चाहै आमै तैसकै साथै स्वर्ग दै रोऊं चाहै आमै इयौं धोरती पांदी रोऊं, पौरौ आमु प्रभु खै खुशी कौरदै रोऊं।

2 कुरिन्थियों 6:4

पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

2 कुरिन्थियों 8:21

जिथुकै जू बातौ सिरफ प्रभु ही कै नेड़िक नी, पौरौ आदमी कै नेड़िक बै भली औसौ आमै कामौ कै सोही तरीकै शै कौरणौ पांदी आपणा ध्यान दियु।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

कुलुस्सियों 3:24

याद राखौ कै प्रभु मसीह तुऔं इनाम दैंदा जू ऐजा औसौ कै सै तुऔं तिनु आशीषौ मुंजी दा तोंवारा हिस्सा दैंदा जैसी तैणै आपणै सौबी लोगौ कै दैणौ कारिए तैयार कौरे राए। तुऐं जैसी मालिक कै सेवा कौरे लोए सै मसीह औसौ।

1 तीमुथियुस 2:3

सौबी लोगौ कारिए ऐशैखै प्रार्थना कौरणी सोही औसौ, औरौ अमारा उध्दारकर्ता पौरमेशवर इयौं स्वीकार कौरौ।

1 तीमुथियुस 5:4

औरौ जै कोसी विधवा कै नानड़िया या नाती पोते हौंव। तौ तिनु आपणै खुद कै परिवार कारिए सैजै काम कौरणै चैंई जू मसीही बिशवाश तिनु कैईंदै उमीद कौरौए कै सै कौरौ। औरौ आपणै माँ बापू या दादा दादी कै दैखभाल कौरेयौ तिनु कारिए किछै कौरौ। जिथुकै पौरमेशवर कै ऐजौ ही भांव।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 2:20

पौरौ जै तुऔं गौलत कौरणौ कारिए पीटौ, तौ सौजा भैटणौ पांदी सब्र राखैयौ तोंवारै तारीफ कौरणौ कै कुणजै बौजैह ना आथी। पौरौ जै भोलाए कौरणौ कै बौजैह शै तुऔं दुख सैहणा पौड़ौ औरौ सब्र राखौ, तौ पौरमेशवर खुश हौंव।