रोमियों 14:1 - सिरमौरी नौवाँ नियम

¹ जू बिशवाशी भाई बिशवाश दा कमजोर औसौ तैसीखै कमजोर बिशवाश कै साथै बिना कोसी शक कै अपनांव,, तैसकै साथै बैहस नी कौरौ कै का कौरणौ चैंई या का ना कौरणौ चैंई।

Sirmouri

¹ जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

रोमियों 14:1 ပူးပေါင်းရင်းမြစ်များ

मत्ती 12:20

जैसी कोसी कै बै कुणजै समस्या औसौ सै बौल़ेयोंदे बाती कै जैशणी औसौ, सै तिथुकै कुणजाई बै नुकसान ना पोऊचांदा, औरौ आखरी दा सै न्याय खै जीतणौ कै बौजैह बौणदा।

मत्ती 14:31

यीशुए तौलोंई आपणा हाथ बोढ़ायो तैसीखै थामा, औरौ तैणै बौल़ौ, “ओए रै कम बिशवाश कौरणौवाल़ै, तुऐं किथुखै शक कौरा?”

मत्ती 18:10

दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

मरकुस 7:19

जिथु सै तैसकै मन दी ना जांव, पौरौ पेटो दु जांव, औरौ सण्डास शै बायरै निकल़ै जांव?” ऐजौ बौलेबा तैणै सौबी खाणौ की चीज़ौ खै शूची ठोहराई।

लूका 17:2

जू इनु नानड़ै मुंजी कोसी ऐकी कै बै पाप कौरवाणौ कै बौजैह बौणौ, तैसी कारिए आछौ हौल़ौ कै ऐक बौड़ै चाकी का पाथर तैसकै टाटु दा टांगै दैंव, औरौ तैसी समुन्द्र दा पाए दैंव जिथुकै तैसीकै ऐजै बुरै सौजा हौंदै। पौरौ पौरमेशवर तैसीखै इदै बै बुरै सौजा दैन्दा।

यूहन्ना 13:20

हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”

प्रेरितो कै काम 28:2

औरौ तिथै कै रौणौवाल़ै लोगै अमारै आछै शै खातिरदारी कौरी; जिथुखै पाणी औरौ जाड़ो लागणौ की बौजैह शै तिनुऐ आग बाल़ेयो अमारा स्वागत कौरा।

रोमियों 11:15

जिथुकै जोबै इस्राएल कै लोगौ कै छोड़े दैणौ कै बौजैह शै दुनिया कै लोगौ का पौरमेशवर कै साथै मैल-मिलाप हौआ, तौ तिनकै मसीह कै स्‍वीकार कौरणा, ऐक मौरेयौंदे आदमी कै औटेयौ जियुंदी हौए जाणौ कै जैशणा हौंदा।

रोमियों 14:2

जिथुकै ऐकी कै बिशवाश औसौ, कै सौब ठुँ खाणौ आछौ औसौ, पौरौ जू बिशवाश दै कमजोर औसौ, सै शाग पात ही खांव।

रोमियों 14:21

भोला तौ ऐजौ औसौ कै तू ना मांस खाएं औरौ ना अंगूर का रस पिंए, औरौ ना किछै ऐशणौ कौरे जिथलैई तैरा साथी बिशवाशी पाप दा नै पौड़ौ।

रोमियों 14:3

औरौ जू मांसहारी ‍औसौ, सै निर्मांसी कै बैकार ना जाणौ, औरौ जू निर्मांसी औसौ सै मांसहारी पांदी दोष नी लाया; जिथुकै पौरमेशवर दु कै स्‍वीकार कौरौ।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

रोमियों 15:7

इथकारिए, ऐकी दूजै कै अपनांव, तोबै, जैशैकै मसीहे तुऔं अपनाए राए, ताकि लोग पौरमेशवर कै तारीफ कौरौ।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

फिलिप्पियों 2:29

इथकारिए तुऐं प्रभु मुंजी तैसीआरी बौहितै खुशी कै साथै भैटियो, तुऔं तैसका औरौ तैसकै जैशणै लोगौ का आदर कौरदै रौणौ चैंई।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

इब्रानियों 5:14

बढ़िया नाज़ सिरफ तिनु लोगौ कै खातिर औसौ जू मोजबूत औसौ, औरौ पौरमेशवर कै नज़र दै सोही जीवन जियौं औरौ शिक्षा कै दवारा शैखै गौवै कै का आछौ औसौ औरौ का बुरु औसौ।

2 यूहन्ना 1:10

जै कुणिए आदमी तोंवारै धोरे आंव औरौ सै ऐजै शिक्षा नै दैंव, ना तौ तैसी घोरे आणौ दैव औरौ ना तैसी नमशकार कौरेयौ बौढ़ावा दैव।