रोमियों 13:7 - सिरमौरी नौवाँ नियम

⁷ इथकारिए जैसी जू किछै दैय जाणौ सौंपै राए, तैसी सैजौ दैव; जैसी कर चैंई, तैसी कर दैव; जैसी मामला चैंई, तैसी मामला दैव, जैसदै डौरणो चैंई, तैसीदै डौरौ; जैसका आदर कौरणा चैंई तैसका आदर कौरौ।

Sirmouri

⁷ ईन्देंखे ऐकी नाँमों का हंक चुकाया करह्; जेस्के कंण चेंई, तेस्खे कंण दियों; जेस्के माँमला चेंई, तेस्खे मामला दियों; जेस्शो डर्णों पड़ो, तेस्दे डरे; अरह् जेस्का आदर-ईज्जत कर्णी पड़ो, तेस्की आदर-ईज्जत करह्।

रोमियों 13:7 ပူးပေါင်းရင်းမြစ်များ

मत्ती 17:25

तैणै बौल़ौ, “हौर दैंव तौ औसौ।” जोबै सै घोरे ओऊवा, तौ यीशुए तैसीकै पूछणो दो आगै बौल़ौ, “ओए रै शमौन तू का सौमझै धोरती का राजा महसूल या मामला कोसी कैईंदु लोंव? आपणै बैटै कैईंदु या पराए कैईंदु?”

मत्ती 22:21

तिनुऐ तैसीखै बौल़ौ, “महाराजा (कैसर) का।” तोबै यीशुए तिनुखै बौल़ौ, “जू महाराजा कौ औसौ, सैजौ महाराजा खै दैंव; औरौ जू पौरमेशवर कौ औसौ, सैजौ पौरमेशवर खै दैंव।”

मरकुस 12:17

यीशुए तिनुखै बौल़ौ, “जू महाराजा को औसौ सैजौ महाराजा खै दैव, औरौ जू पौरमेशवर को औसौ सैजौ पौरमेशवर खै दैव।” औरौ इयौं बातौ पांदी सै हैरान हौए गौवै।

लूका 20:22

का रोम कै महाराजा (कैसर) खै मूसा कै कानून कै हिसाब शै आमुखै कर दैणौ चैंई या ना दैणा चैंई?”

लूका 20:25

यीशुए तिनुखै बौल़ौ, “तौ जू महाराजा को औसौ, सैजौ महाराजा खै दैव, औरौ जू पौरमेशवर कौ औसौ सैजौ पौरमेशवर खै दैंव।”

लूका 23:2

औरौ सैजै ऐजौ बौलेयौ तैसी पांदी दोष लान्दै लागै, “आमुए ऐसी लोगौ कै बोयकांदे बैई औरौ रोम कै महाराजा कै मामला दैणौ शै मोना कौरदै बैई औरौ आपी खै मसीह, राजा बौलदै बैई बै शौणै राए।”

रोमियों 12:10

जैशणा प्यार आपणै परिवार आरी कौरौ तैशणाई प्यार ओकीआरी बै कौरौ; आपी मुंजी आदर कौरणौ दै ऐकी दूजै शै बौढ़ेयौ चालौ।

रोमियों 13:6

इथकारिए कर बै दौ, जिथुकै शासन कौरणौवाल़ै पौरमेशवर कै सेवक औसौ, आपणी जूमैवारियौ कै निभाणो कारिए सै आपी कै दैय दैंव।

इफिसियों 5:33

पौरौ ऐजौ तुऔं पांदी बै लागू हौंव तुऔं मुंजीदै सौबै आपणी घोरवाल़ी आरी आपणै जैशणा प्यार राखौ, औरौ घोरवाल़ी बै आपणै घोरवाल़ै का आदर कौरौ।

इफिसियों 6:5

ओए रै दासो, जू लोग इयौं दुनिया कै हिसाब शै तोंवारै मालिक औसौ, चौकशाए शै तिनका आदर औरौ इज्जत कौरौ। सिरफ दिखावा ना कौरौ। तुऔं मुंजी सौबी कै डौरेयौ औरौ काम्बलेबा जैशै मसीह कि, तैशैखैई मालिक कि बै आज्ञा मानणी चैंई।

1 तीमुथियुस 5:13

औरौ इथकै साथ ही साथ सै घोरे-घोरे फिरैयौ सुस्त बौणै जांव, औरौ सिरफ सुस्त नै पौरौ ओकी लोगौ कै बारै दी बै चुगली कौरौ औरौ ओकी लोगौ कै कामौ दै बै टाँग अढ़ांव औरौ ऐशणी बातौ कौरौ जू तिनु ना कौरणी चैंई।

1 तीमुथियुस 5:17

कुणिए बै अगुवे जू आपणै काम कै आछै शै कौरौ, तैसी सोही आदर औरौ सोही मजदूरी दैणौ कै लायक सौमझा जाणा चैंई, खास तौर शै सैजै लोग जू पौरमेशवर कै सौंदेश कै शिखाणौ औरौ प्रचार कौरणौ कारिए कड़ी मैहनत कौरौ।

1 तीमुथियुस 6:1

सौबै बिशवाशी जू गुलाम औसौ, तिनु हर तरह शै आपणै-आपणै मालिको का आदर कौरणा चैंई, ताकि औकै लोग पौरमेशवर कै औरौ अमारै शिक्षा कै बैज्जती ना कौरौ।

1 पतरस 3:7

ऐशैखैई ओए रै घोरवाल़ै, तुऐं आपणी घोरवाल़ी कै साथै मैल-मिलाप शै रौंव, औरौ तिनकै मौदद कौरणौ कै बारै मुंजी सोंचैया कौरौ औरौ तुऔं ऐजौ याद राखणौ चैंई कै सै कमजोर औसौ, इथकारिए तुऔं तिनकै इज्जत कौरणै चैंई। जिथुकै तुऐं दुईनै ही तैसी वरदान खै साझा कौरौ जू पौरमेशवरे अनुग्रह शै तुऔं दैय राए, यानी सौदा कै जिन्दगी का वरदान। जै तुऐं ऐशै कौरलै, तौ पौरमेशवर तोंवारै प्रार्थनांव कै शुणदाए।