रोमियों 12:6 - सिरमौरी नौवाँ नियम

⁶ जोबै कै तैसी अनुग्रह कै हिसाब शै जू पौरमेशवरे आमु दैय राए, आमुखै भान्त‌‌‌-भान्त कै वरदान भैटी रौवै। तौ जैसीखै पौरमेशवर कै बातौ बौताणौवाल़ै कै वरदान भैटी रौवै, तैसी तिनु बातौ कै बौल़णी चैंई जैसी पांदी सै बिशवाश कौरौ कै पौरमेशवरे तैसी बौताए राए।

Sirmouri

⁶ जबे के तियों कृपा के मुँताबिक जू आँमों खे देऐ थंऐ, आँमों किस्म-किस्म के बर्दांण भेंटी रूऐ, तअ जेस्खे पंणमिश्वर का संन्देश देंणों का बर्दांन भेंटी रूआ, से बिश्वाष के मुँताबिक सेजा संन्देश लोगो तोड़ी पंहिचाल़ो;

रोमियों 12:6 ပူးပေါင်းရင်းမြစ်များ

मत्ती 23:34

इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले।

मत्ती 25:22

औरौ जैसीकै दो झोल़े भैटी रौवै थिए, तैणै बै आयौ खै बौल़ौ, ‘ओए रै मालिक तुऐं मुखै दो झोल़े सौंपै राए थिए, दैख, मोऐं दो झोल़े हौजौ कमाए।’

लूका 11:49

इथकारिए पौरमेशवरे आपणी बुध्‍दि लैई बौल़ै राए, कै हांव तिनकै धोरे पौरमेशवर कै बातौ बौताणौवाल़ै औरौ तिनकै चोणेयौंदे चैलै कै छाड़दा, औरौ सै तिनुमुंजी दै कोसी कै मारै दैंदै, औरौ कोसी कै तौड़पांदै।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

प्रेरितो कै काम 15:32

औरौ यहूदा औरौ सीलासे जू आपी बै पौरमेशवर कै बातौ बौताणौवाल़ै थिए, बौहिती बातौ शै बिशवाशी भाईयों खै उपदैश दैयौ मोजबूत कौरे।

प्रेरितो कै काम 2:17

प्रभु बौल़ौ, कै अन्त कै दूसौ दौ ऐशै हौन्दौ, कै हांव आपणै पवित्र आत्मा सौबी आदमी पांदी भैजदा, औरौ तोंवारै बैटै औरौ तुंआरी बैटी पौरमेशवर कै बातौ बौताया कौरदी औरौ तोंवारै जवान दर्शन दैखदै, औरौ तोंवारै बूढ़े आदमी सुईणै दैखदै।

प्रेरितो कै काम 21:9

तैसकी चार कुंवारी बैटी थी; जू पौरमेशवर की बातौ बौतांव थी।

रोमियों 1:11

जिथुकै हांव तुंआरी भैटिणौ कै बौड़ी इछा कौरु, ताकि हांव तुऔं कुणजै आत्मिक आशीष दियु औरौ तुऔं बिशवाश दै मोजबूत कौरे दियु,

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

1 कुरिन्थियों 12:18

पौरौ सौथीखै पौरमेशवरे अमारै शोरीर कै सौबै अंग खै आपणी इछा कै हिसाब शै शोरीरो दा तैशणाई ठाँव दैय राए।

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 14:1

इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

1 कुरिन्थियों 14:24

पौरौ जै सौबवे पौरमेशवर का सौंदेश बौतांदै लागौ औरौ अबिशवाशी औरौ आम आदमी भीतरै आए जांव, तौ तिनु ऐहसास हौंदा कै सै पापी औसौ, औरौ तुऐं जू बौल़ै लो, तिथकी बौजैह शै सै आपणै तरीकै बौदल़णा चांदै।

1 कुरिन्थियों 14:29

पौरमेशवर कै बातौ बौताणौवाल़ै मुंजीदै दो या तीन बौल़ौ, औरौ ओकी कै जांच कौरणौ दैव कै का बौल़ै राए ऐजौ दैखणौ कारिए कै, ऐजौ पवित्र शास्त्र कै हिसाब शै औसौए कै ना आथी।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

1 कुरिन्थियों 7:7

हांव ऐजौ चोऊं, कै जैशणा हांव बिना बैयाव का औसौ, तैशैखैई सौबै आदमी हौंव, पौरौ हरेक खै पौरमेशवर कै ढौबौशै खास वरदान भैटी रौवै; पौरमेशवर किछै लोगौ खै बैयाव कौरणौ का वरदान दैंव औरौ किछै लोगौ खै बिना बैयाव दै रौणौ का वरदान दैंव।

2 कुरिन्थियों 8:12

जिथुकै जै तोंवारै मन दा ओकी खै दान दैणौ कै विचार औसौ तौ दान तिथकै हिसाब शै स्वीकार बै हौंव जू तैसीकैईं औसौ ना कै तिथकै हिसाब शै जू तैसीकैईं ना आथी।

इफिसियों 3:5

पुराणै सौमय दा, पौरमेशवरे लोगौ कै ऐजा भैद ना दिखैई, पौरौ ऐबै तैणै पवित्र आत्मा कै दवारा आपणै पवित्र चोणेयौंदे चैलै औरौ पौरमेशवर कै बातौ बौताणौवाल़ै कैई इथका खुलासा कौरा।

इफिसियों 4:11

ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

फिलिप्पियों 3:15

आमै सौबै जू मोजबूती शै मसीह दै भोरोशा कौरु, ऐकैई तरह शै सुंचणौ वाल़ै हौंव, औरौ जै कोसी बातौ दा तोंवारा ओका ही विचार हौंव तौ पौरमेशवर तैसी बै तुऔं पांदी प्रगट कौरे दैन्‍दा।

1 थिस्सलुनीकियों 5:20

ऐजौ ना सुंचौ कै पौरमेशवरे आपणै लोगौ खै जू हौणौवाल़ी बातौ प्रकट कौरे रैई सैजी बैकार औसौ।

2 पतरस 1:20

पौरौ ऐजौ बैजाए जौरुरी औसौ कै तुऐं इयौं बातौ खै सौमझौ कै पवित्र शास्त्र दै तुऐं पौरमेशवर कै बातौ बौताणौ वाल़ौ कै जू वचन पौढ़ौए सै सिरफ तिनकी आपणै सोंच ना आथी।